![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/e/e5/WK_turnen_in_Rotterdam_Romeense_Daniele_Silivas_in_act%252C_Bestanddeelnr_934-1091.jpg/640px-WK_turnen_in_Rotterdam_Romeense_Daniele_Silivas_in_act%252C_Bestanddeelnr_934-1091.jpg&w=640&q=50)
Viga d'equilibriu
From Wikipedia, the free encyclopedia
La viga d'equilibriu o barra d'equilibriu ye unu de los cuatro aparatos o modalidaes que componen la ximnasia artística femenina. Comúnmente conozse na so forma embrivida como «viga» o «barra». L'aparatu ye una viga pequeña y estrecha soportada por dos bases metáliques y ye un exerciciu namái realizáu poles ximnastes.
![Thumb image](http://upload.wikimedia.org/wikipedia/commons/thumb/e/e5/WK_turnen_in_Rotterdam_Romeense_Daniele_Silivas_in_act%2C_Bestanddeelnr_934-1091.jpg/640px-WK_turnen_in_Rotterdam_Romeense_Daniele_Silivas_in_act%2C_Bestanddeelnr_934-1091.jpg)
Les vigues utilizaes en competiciones ximnástiques internacionales tienen de cumplir con ciertes normes y especificaciones establecíes pola Federación Internacional de Ximnasia (FIG). Al prauticar los exercicios, les ximnastes usualmente trabayen nuna barra coles mesmes dimensiones y superficie pero a un altor menor. Orixinalmente, la viga taba compuesta de madera.[1] Sicasí, dende la década de 1980, les barres tán recubiertes de cueru o ante. Amás, cunten con resortes pa amortiguar l'impautu causáu polos saltos y los movimientos artísticos.[2]
Según la publicación «Apparatus Norms» de la FIG, les dimensiones de la viga son: un altor de 125 centímetros, un llargor de 500 centímetros y un anchor de 10 centímetros.[3] Per otra parte, un exerciciu na barra d'equilibriu tien de contener: un enllaz de dos elementos de danza distintes (unu ten de ser un saltu con split de 180°), un xiru completu nun pie, una serie acrobática, elementos acrobáticos en distintes direiciones y una salida.[4]
Femenín | ||||
---|---|---|---|---|
| ||||
[editar datos en Wikidata] |