Valencia Club de Fútbol
equipu de fútbol d'España / From Wikipedia, the free encyclopedia
El Valencia Club de Fútbol ye una Sociedá Anónima Deportiva con sede na ciudá de Valencia, España. El club de fútbol foi fundáu'l 18 de marzu de 1919. La so primer plantía xuega anguaño na Primer División d'España y apuesta los alcuentros como llocal nel Estadiu de Mestalla, con una capacidá pa 55.000 espectadores (anque anguaño tán disponibles 49.500 asientos).[1]
Valencia Club de Fútbol | |
---|---|
Valencia Club de Fútbol | |
Situación | |
Estáu | España |
Datos | |
Tipu | club de fútbol |
Fundáu en | 18 marzu 1919 |
Propietariu | Peter Lim |
Presidente | Lay Hoon |
Entrenador | Rubén Baraja |
Categoría | Primer División d'España |
Instalaciones | |
Estadiu | Campo de Mestalla (es) |
Dueñu de | Peter Lim |
Web oficial | |
Na clasificación histórica de la LFP, la Valencia CF ocupa'l cuartu puestu,[2] apostando 82 de les 86 ediciones apostaes de la Primer División d'España.
Ye'l tercer club español tocantes a títulos internacionales con 7 títulos y el quintu club español con más títulos con un total de 22 trofeos: 6 títulos de Lliga, 7 Copes del Rei, 1 Supercopa d'España, 1 Copa Eva Duarte, 2 Copes de Feries, 2 Supercopes d'Europa, 1 Copa de la UEFA, 1 Recopa d'Europa y 1 Copa Intertoto, amás de dos subcampeonatos de la Lliga de Campeones en 2000 y 2001.
El club ocupa'l puestu 23ᵘ ente los clubes de fútbol más pervalible del mundu, valoráu en 186 millones d'euros, siendo'l quintu club español na llista.[3] La entidá cunta con 44 962 accionistes, 39 251 abonaos[4] y más de 500 peñes partíes per España y per países como Alemaña, Francia, Inglaterra, Estaos Xuníos, Arxentina, Suiza, Dinamarca, Finlandia, Hungría, Irlanda, Noruega, Panamá, Rusia, Suecia, Indonesia y República Dominicana.[5][6][7]
El mayor accionista de la S. A. D. ye l'empresariu singapurense Peter Lim, al traviés de la so empresa "Meriton Holdings Ltd.", dende la compra del 70,4 % de les aiciones que tenía la Fundación Valencia CF el 24 d'ochobre de 2014, agora convertíes nel 82 % tres l'ampliación de capital de xineru de 2016.[8]
Según una encuesta realizada pol CIS en xunu de 2014, la Valencia CF tien una de les grandes aficiones d'España, ocupando'l cuartu puestu en porcentaxe de simpatizantes (3,5 %), solo por detrás de Real Madrid (37,9 %), FC Barcelona (25,4 %) y Atlético de Madrid (6,1 %).[9][10]