Terra nullius ye una espresión llatina que quier dicir "tierra de naide", y emplégase pa denomar la tierra que nun ye propiedá de denguna persona (lo mesmo que'l res nullius fai referencia a una cosa que nun ye propiedá de naide).
Anguaño considérase que la terra nullius nun esiste, por mor de que tol mundu ta ocupáu o, por mor de trataos internacionales, considérase tarrén internacional, cola esceición de L'Antártida, que tien un statu quo especial. Sicasí, el conceutu de terra nullius emplegóse na época de la colonización pa reclamar los territorios de les colonies como tierres non ocupaes y que, por mor d'ello, l'Estáu descubridor o conquistador podía ocupar llegalmente.
El conceutu emplegóse tamién en Drechu priváu, pa privar a los ocupantes indíxenes de la tierra de los sos derechos de propiedá sobre la mesma como antiguos ocupantes, y permitiendo d'esta miente'l repartu de la propiedá ente los colonos.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
