Teoríes de la conspiración de los allunizaxes del Programa Apollo
From Wikipedia, the free encyclopedia
Les teoríes de la conspiración de los allunizaxes del Programa Apollo constitúin una teoría de conspiración qu'afirma que los allunizaxes del programa Apollo ente 1969 y 1972 enxamás asocedieron, sinón que fueron falsificados pola NASA nel marcu de la carrera espacial que tuvo llugar ente Estaos Xuníos y la Xunión Soviética na década de 1960.
Los proponentes tienen como principales xustificaciones los discutinios surdíos por delles fotografíes y el contestu de Guerra Fría nel que se producieron los allunizaxes. Científicos, téunicos y comenenciudos na hestoria de la esploración espacial dieron esplicaciones racionales a los discutinios, refugando estes afirmaciones calificándoles d'infundaes y de nun tener rigor científico dalgunu.[1]
A finales de la década de 2000, la sonda espacial Lunar Reconnaissance Orbiter n'órbita alredor de la Lluna, tomó fotografíes n'alta resolución de los llugares d'allunizaxe de les misiones Apollo, nes que pueden reparase los restos de los módulos llunares y les buelgues dexaes polos astronautes nos sos paseos llunares.[2][3] En 2012, nueves imáxenes de mayor detalle amosaben que les banderes plantaes poles astronautes inda taben alzaes nel so llugar a pesar del tiempu trescurríu.[4][5]