![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/3/30/The_Death_of_the_Grave_Digger.jpg/640px-The_Death_of_the_Grave_Digger.jpg&w=640&q=50)
Simbolismu
From Wikipedia, the free encyclopedia
El simbolismu foi unu de los movimientos lliterarios más importantes de finales del sieglu XIX, aniciáu en Francia y en Bélxica. Nun manifiestu lliterariu publicáu en 1886, Jean Moréas definió esti nuevu estilu como «enemigu de la enseñanza, la declamación, la falsa sensibilidá y la descripción oxetiva"». Pa los simbolistes, el mundu ye un misteriu por descifrar, y el poeta debe pa ello trazar les correspondencies ocultes que xunen los oxetos sensibles (por casu, Rimbaud establez una correspondencia ente les vocales y los colores nel so sonetu Vocales). Pa ello ye esencial l'usu de la sinestesia.
![Thumb image](http://upload.wikimedia.org/wikipedia/commons/thumb/3/30/The_Death_of_the_Grave_Digger.jpg/320px-The_Death_of_the_Grave_Digger.jpg)
El movimientu tien los sos oríxenes en Les flores del mal, llibru emblema de Charles Baudelaire. L'escritor Edgar Allan Poe, a quien Baudelaire apreciaba en gran midida, influyó tamién decisivamente nel movimientu, apurriéndo-y la mayoría d'imáxenes y figures lliteraries qu'utilizaría. La estética del simbolismu foi desenvuelta por Stéphane Mallarmé y Paul Verlaine na década de 1870. Pa 1880, el movimientu atraxera toa una xeneración de nuevos escritores cansaos de los movimientos realistes.