Sikkim
From Wikipedia, the free encyclopedia
Sikkim (en nepalés: सिक्किम; bhutia: སུ་ཁྱིམ་) ye unu de los ventinueve estaos que, xunto colos siete territorios de la Unión, formen la República de la India. La so capital y ciudá más poblada ye Gangtok. Ta allugáu al nordeste del país, llindando al norte y al este cola República Popular China, al sureste con Bután, al sur con Bengala Occidental y al oeste con Nepal. Con 610 500 habitantes en 2011 ye l'estáu menos pobláu, con 7096 km², el segundu menos estensu —per delantre de Goa— y con 86 hab/km², el cuartu menos densamente pobláu, per delantre de Jammu y Caxmir, Mizorán y Arunachal Pradesh, el menos densamente pobláu.
Sikkim | |||
---|---|---|---|
| |||
Alministración | |||
País | India | ||
ISO 3166-2 | IN-SK | ||
Tipu d'entidá | estáu de la India | ||
Capital | Gangtok | ||
Chief Minister of Sikkim (en) | Pawan Kumar Chamling (es) | ||
Nome llocal |
सिक्किम (ne) Sikkim (en) | ||
Xeografía | |||
Coordenaes | 27°33′N 88°30′E | ||
Superficie | 7096 km² | ||
Llenda con | Bengala Occidental | ||
Puntu más altu | Kangchenjunga | ||
Demografía | |||
Población | 657 876 hab. (2011) | ||
Densidá | 92,71 hab/km² | ||
Más información | |||
Estaya horaria | UTC+05:30 | ||
Fundación | 16 mayu 1975 | ||
sikkim.gov.in | |||
Sikkim foi un estáu independiente gobernáu pola monarquía Chogyal hasta 1975, cuando se decidió por referendu convertise nel ventenu segundu estáu d'India. L'idioma oficial ye'l nepalés y les relixones predominantes son el hinduismu y el budismu vajrayāna.
A pesar del so pequeñu tamañu, Sikkim ye xeográficamente bien diversu, por cuenta del so allugamientu a los pies de los montes Himalaya. El terrén va de tropical nel sur a la tundra nel norte. En Sikkim atópase'l picu Kanchenjunga, el terceru n'altor nel mundu y el primeru d'India (aproximao 8598 metros sobre'l nivel del mar). Sikkim convirtióse n'unu de los estaos más visitaos d'India gracies a los sos formosos paisaxes naturales y a la so estabilidá política.