![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/5/5e/Quevedo_%2528copia_de_Vel%25C3%25A1zquez%2529.jpg/640px-Quevedo_%2528copia_de_Vel%25C3%25A1zquez%2529.jpg&w=640&q=50)
Sieglu d'Oru
From Wikipedia, the free encyclopedia
El Sieglu d'Oru español foi un periodu de florecimientu del arte y la lliteratura n'España, que coincidió cola puxanza político y posterior cayente de la dinastía de los Austrias o Habsburgu españoles. El Sieglu d'Oru nun supón feches precises y xeneralmente considérase que duró más d'un sieglu. El so entamu nun sería antes de 1492, col fin de la Reconquista, los viaxes de Cristóbal Colón al Nuevu Mundu, y la publicación de la Gramática castellana d'Antonio de Nebrija. Políticamente terminó en 1659, col Tratáu de los Pirineos, ratificáu ente Francia y España. El postreru gran escritor Pedro Calderón de la Barca, finó en 1681, y la so muerte ye xeneralmente considerada como'l fin del Sieglu d'Oru español de les artes y les lletres.
![Thumb image](http://upload.wikimedia.org/wikipedia/commons/thumb/5/5e/Quevedo_%28copia_de_Vel%C3%A1zquez%29.jpg/640px-Quevedo_%28copia_de_Vel%C3%A1zquez%29.jpg)
![Thumb image](http://upload.wikimedia.org/wikipedia/commons/thumb/f/f9/Bartolom%C3%A9_Esteban_Perez_Murillo_-_Trauben-_und_Melonenesser.jpg/640px-Bartolom%C3%A9_Esteban_Perez_Murillo_-_Trauben-_und_Melonenesser.jpg)
![Thumb image](http://upload.wikimedia.org/wikipedia/commons/thumb/e/e0/Battle_of_Lepanto_1571.jpg/640px-Battle_of_Lepanto_1571.jpg)
![Thumb image](http://upload.wikimedia.org/wikipedia/commons/thumb/e/e4/Columnas_Plus_Ultra.png/640px-Columnas_Plus_Ultra.png)
El términu 'Sieglu d'Oru' foi concebíu pol eruditu y anticuariu dieciochesco Luis José Velázquez, marqués de Valdeflores (1722-1772), quien lo emplegó per primer vegada en 1754, na so obra crítica pionera Oríxenes de la poesía castellana,[1] anque pa referise puramente al sieglu XVI. Darréu la definición amplióse, entendiendo tola dómina clásica o d'apoxéu de la cultura española, esencialmente'l Renacimientu del sieglu XVI y el Barrocu del sieglu XVII.[2] Pa la historiografía y los teóricos modernos, pos, y ciñéndose a feches concretes d'acontecimientos clave, el Sieglu d'Oru toma dende la publicación de la Gramática castellana de Nebrija en 1492 hasta la muerte de Calderón en 1681.[3][4][5]