From Wikipedia, the free encyclopedia
Sham o Alsahm ye'l nome tradicional de la estrella α Sagittae (α Sge / 5 Sagittae) de magnitú aparente +4,37.[8] A pesar de tener la denominación de Bayer «Alfa», ye namái la tercera más brillosa de la constelación de Sagita, la flecha. El so nome ye d'orixe árabe y significa «flecha», y enantes foi utilizáu pa designar a tola constelación. Curiosamente, les otres dos estrelles más brilloses de Sagita, γ Sagittae y δ Sagittae, nun tienen nome propiu.
Sham ye una estrella de temperatura similar al Sol —5400 K— magar, al ser una xigante lluminosa de tipu espectral G1II, el so radiu ye unes 20 vegaes más grande que'l radiu solar. Consecuentemente, relluma con una lluminosidá equivalente a 340 soles. El so estáu evolutivu ye inciertu, tando asitiada nuna rexón del diagrama de Hertzsprung-Russell, conocida como «la Llaguna de Hertzsprung», onde s'atopen bien poques estrelles. La so composición química difier de la del Sol, amosando un eleváu conteníu de nitróxenu, lo qu'implica que les capes superficiales fueron contaminaes por subproductos procedentes de la fusión nuclear d'heliu.[9] Sicasí, la so bayura relativa de fierro ye bien paecida a la solar ([Fe/H] = +0,01)).[10] Coles mesmes, entá teniendo les carauterístiques propies d'una estrella variable cefeida, nun se porta como tal. Tien una masa aproximao 4 vegaes mayor que la masa solar y la so edá envalórase en 150 millones d'años.[10] Alcuéntrase a 475 años lluz del Sistema Solar. [9]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.