Santísima Trinidá
el dogma central sobre la naturaleza de Dios na mayoría de les ilesies cristianes, que Dios ye un ser únicu qu'esiste como trés persones distintes o hipóstasis: el Padre, el Fíu y el Espíritu Santu / From Wikipedia, the free encyclopedia
La Trinidá ye'l dogma central sobre la naturaleza de Dios na mayoría de les ilesies cristianes. Esta creencia afirma que Dios ye un ser únicu qu'esiste como trés persones distintes o hipóstasis: el Padre, el Fíu y el Espíritu Santu.
Delles confesiones minoritaries, como les ilesies unitaries, los testigos de Xehová y los pentecostales unicitarios, ente otros, refuguen esta creencia. Los mormones afirmen creer na Trinidá pero tienen una interpretación específica y radicalmente distinta del dogma mayoritariamente aceptáu.[1]
Fora del ámbitu del cristianismu pero n'otra fe tamién monoteísta, el Corán menta la Trinidá na aleya 171 de la Sura 4[2] y espresa la so oposición a ella al dirixise a la xente de la Escritura, los cristianos, por que nun digan 'Trés', pos l'Islam establez que Dios ye un Dios Unu.