República de Venecia
From Wikipedia, the free encyclopedia
La Serenísima República de Venecia foi una ciudá-estáu asitiada nel norte d'Italia, a veres del mar Adriáticu, y que depués axuntó sol so dominiu a tolos vénetos del Triveneto, Istria y Dalmacia. La so capital foi la ciudá de Venecia. Esistió como Estáu independiente dende'l sieglu IX hasta 1797. Tamién recibe'l nome de Serenissima Repubblica di San Marco, pos San Marcos ye'l so santu patronu.
| |||||
---|---|---|---|---|---|
estáu desapaecíu | |||||
| |||||
Alministración | |||||
Capital |
Venecia (de 810 a 1797) Eraclea (es) (de 697 a 742) Malamocco (es) (de 742 a 810) | ||||
Forma de gobiernu |
República Oligarquía | ||||
Dogo de Venecia (es) | |||||
Llingües oficiales |
Venecianu llatín | ||||
Relixón oficial | catolicismu, cristianismu y Ilesia Católica | ||||
Xeografía | |||||
Coordenaes | 50°N 10°E | ||||
Demografía | |||||
Población | 1 500 000 hab. | ||||
Economía | |||||
Moneda | lira veneciana (es) | ||||
La Serenissima constituyóse progresivamente como Estáu mientres la Edá Media y convirtióse nuna de les principales potencies económiques del mundu, ocupando un llugar preponderante nos intercambios comerciales ente'l Mediterraneu occidental y oriental. Amás, coles sos instituciones oligárquiques notablemente estables mientres casi un mileniu, representó un papel políticu esencial.
A partir del sieglu XVI esperimentó una fase de cayente políticu y territorial, anque disimuláu en parte por un estraordinariu desenvolvimientu artísticu, hasta que sumió en 1797, vencida por Napoleón, pasando darréu a ser apoderada pol Imperiu austriacu y el Reinu d'Italia.