Renault en Fórmula 1
From Wikipedia, the free encyclopedia
Renault Sport Formula One Team ye una escudería francesa de Fórmula 1, creada en 1977 y que retornó a la categoría p'apostar la temporada 2016. Renault nun participó como equipu ente 1986-2001 y 2012-2015, llindándose a suministrar motores a otros constructores. Enantes compitió na Fórmula 1 como Equipe Renault Elf y con llicencia francesa dende finales de los años 1970 hasta 1985, y tornó col tradicional nome de Renault F1 Team a partir de 2002, n'adquiriendo a Benetton, que de la mesma mercó l'equipu Toleman en 1986. De la mesma, en 2011 participó con llicencia británica y sol nome comercial de Lotus Renault GP.[1]
Pues collaborar con Wikipedia fusionando Renault Sport F1 nesti artículu. |
Renault vendió'l 75% del equipu a Genii Capital a finales de 2010;[2] renombrando la escudería como Lotus Renault GP y anunciando la creación de Renault Sport F1 pal suministru de motores y teunoloxía a partir de 2011, que sigue controlando'l 25% de la escudería. Depués de competir en 2011 como Renault, Genii Capital solicitó'l cambéu de nome del equipu na llista de inscriptos de 2012, depués de que Proton (actual propietaria de la marca Lotus Cars) tomara en 2012 el control del equipu, renombrándolo a Lotus F1 Team y dexando a Renault como provisor de motores.
Renault consiguió dos títulos de campeón de pilotos (con Fernando Alonso) y dos títulos como campeón de constructores, dambos en 2005 y 2006.