Rede llétrica
From Wikipedia, the free encyclopedia
Una rede llétrica ye una rede interconectada que tien el propósitu de suministrar lletricidá dende los provisores hasta los consumidores. Consiste de trés componentes principales, les plantes xeneradores que producen lletricidá de combustibles fósiles (carbón, gas natural, biomasa) o combustibles non fósiles (eólico, solar, nuclear, hidráulico). Les llinies de tresmisión que lleven la lletricidá de les plantes xeneradores a los centros de demanda y los tresformadores qu'amenorguen el voltaxe por que les llinies de distribución puedan apurri-y enerxía al consumidor final.
Na industria de la enerxía llétrico, la rede llétrica ye un términu usáu pa definir una rede de lletricidá que realicen estos trés operaciones:
- Xeneración de lletricidá: Les plantes xeneradores tán polo xeneral alcontraes cerca d'una fonte d'agua, y alloñaes d'árees poblaes. Polo xeneral son bien grandes, p'aprovechase de la economía d'escala. La enerxía llétrico xenerada amóntase-y la so tensión la cual vase a coneutar cola rede de tresmisión.
- Tresmisión de lletricidá: La rede de tresmisión va tresportar la enerxía a grandes distancies, hasta que llegue al consumidor final (Polo xeneral la compañía que ye dueña de la rede llocal de distribución).
- Distribución de lletricidá: Al llegar a la subestación, la enerxía va llegar a una tensión más baxo. Al salir de la subestación, entra a la instalación de distribución. Finalmente al llegar al puntu de serviciu, la tensión vuelve baxase del voltaxe de distribución al voltaxe de serviciu riquíu.