Ríu Ohio
From Wikipedia, the free encyclopedia
L'Ohio ye un ríu del este de los Estaos Xuníos que flúi en direición sureste polos estaos de Pennsylvania, Ohio, Indiana, Illinois —forma la llende sur d'estos trés últimos—, Virxinia Occidental y Kentucky —forma la llende norte d'estos dos— desaguando nel ríu Mississippi cerca de la ciudá de Cairo (Illinois). Tien un llargor de 1579 km, pero con una de les sos fontes, el ríu Allegheny, llega hasta los 2108 km, que lo asitien ente los 10 mayores ríos de los Estaos Xuníos. Drena una cuenca de 490 601 km², d'un total de 14 estaos, la mayoría del nordeste del país.
Ríu Ohio | |
---|---|
Situación | |
País | Estaos Xuníos |
Estaos | Ohio |
Tipu | ríu |
Coordenaes | 40°26′35″N 80°01′02″W |
Datos | |
Conca hidrográfica | cuenca hidrográfica del Ohio (es) |
Superficie de la conca | 528 100 km² |
Llonxitú | 1579 km |
Caudal | 7973 m³/s |
Nacimientu |
Ríu Allegheny Ríu Monongahela |
Desembocadura | Ríu Mississippi |
Afluentes |
ver
|
Tien una importancia capital na historia de los Estaos Xuníos, tantu pa les tribus amerindies como pa los colonos europeos yá que constituyó una vía de tresporte privilexada mientres la conquista del Oeste. Los sos principales afluentes son el Tennessee, pela esquierda, y el Wabash, pela derecha. Nel sieglu XVIII constituyía la frontera meridional de los estaos del Norte, marcando de facto la llende ente los estaos que practicaben la esclavitú y los que la abolieren.