Ríu Nora
ríu d'Asturies / From Wikipedia, the free encyclopedia
El ríu Nora, tamién Ñora, ye un afluente del Nalón pela derecha. Naz na fonte Ñora, asitiada nel llugar de Valvidares, na parroquia saregana de San Román. Traviesa esti conceyu en sentíu NE-SO y llega al conceyu de Siero. Nelli fai de llende ente les parroquies de Lieres y Collao, y avanza d'este a oeste per tol conceyu hasta pasar al de Llanera. Equí, cerquina La Venta'l Gallo, amiéstense coles sos agües les del ríu Noreña, que ye'l so principal afluente y lu aborda pela manderecha. Más pa baxo, en Cualloto, entama a facer de llende septentrional del conceyu d'Uviéu, al que dixebra primero del de Siero y dempués de los de Llanera y Les Regueres. Nesi tramu fai una serie de meandros mui reviraos que desllinden delles "penínsules": El Requexón, El Ruxidoriu, El Molinón, Mazurén, San Pedru Nora (na que se llevanta la ilesia prerrománica del mesmu nome) y los cuetos de Rañeces y Taoces. Nesti caberu pueblu, del conceyu Les Regueres, entrega les sos agües, pela so marxe derecha, al Nalón.
Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. |
Nora - Ñora | |
---|---|
| |
Situación | |
País | ![]() |
Autonomía | ![]() |
Tipu | ríu |
Coordenaes | 43°25′N 5°53′W |
Datos | |
Superficie | 377 km² |
Conca hidrográfica |
cuenca hidrográfica del Nalón (es) ![]() |
Llonxitú | 67 km |
Desembocadura | ríu Nalón |
![]() |