From Wikipedia, the free encyclopedia
El ríu Gambia (antaño conocíu como ríu Gambra) ye un ríu del África occidental. Tien una llonxitú de 1.120 km dende la so nacencia, na meseta de Fouta Djallon, al norte de Guinea, hasta la so desembocadura, tres de buscar l'océanu Atlánticu en direición oeste al traviés de Senegal y Gambia, na ciudá de Banxul. Ye navegable na metá del so percorríu.
El ríu naz en Fouta Djallon, y cuerre en direición noroeste hacia la rexón de Tambacounda, en Senegal, au traviesa'l parque nacional Niokolo-Koba. Recibe les agües de los ríos Nieri Ko y Koulountou enantes d'entrar en Gambia por Fatoto. De magar avanza en direición oeste, magar que con munchos meandros y brazos muertos, hasta que a 100 km de la desembocadura entama a enanchar, hasta tener un anchor de 10 km na so desembocadura nel océanu Atlánticu. Percerca d'ella, xunto a Jufureh, allúgase la islla Kunta Kinteh, utilizada nel tráficu d'esclavos y qu'anguaño ye Patrimoniu de la Humanidá.
La fauna acuática de la conca d'esti ríu ye perasemeyada a la de la conca del ríu Senegal, y aveza a considerase dambes conques como una ecorrexón única. Esta tien una bayura d'especies importante, pero namái hai una especie de pescáu y trés de ranes endémiques. Nel ríu les muyeres pañen ostres pa facer guisu d'ostres, que ye un platu tradicional de la cocina gambiana.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.