From Wikipedia, the free encyclopedia
Los Qarajánidas o Qarajaníes o Karajánidas (túrquico Karahanlilar) fueron una dinastía de Transoxiana d'orixe túrquico que reinó ente 840 y 1212 n'Asia Central.
| ||||
---|---|---|---|---|
estáu desapaecíu | ||||
| ||||
Alministración | ||||
Capital |
Balasagun Kashgar | |||
Forma de gobiernu | Monarquía | |||
Llingües oficiales |
persa Karakhanid (en) | |||
Relixón oficial | islam | |||
Xeografía | ||||
Superficie | 3000000 km² | |||
Demografía | ||||
El nome de la dinastía "Qarahan" deriva del nome de combate de Idat Shad que, en 681 lluchó contra los chinos col nome de Kara jan <=> "Príncipe negru" (nos idiomes turcotártaros: kara = negru; jan = xefe, príncipe).
Los Qarajánidas proveníen del pueblu de los Qarluqs que, nel sieglu VIII formaron parte del kanato güigur de Mongolia ya instaláronse en Kashgar.
En 840 los Qarluq xuníos a los Qarajánidas llograron la so independencia respeuto de los güigures y, dende'l 850 tuvieron como primer príncipe a Kul-Bilge Qara-Khan que reinó dende 850 al 880.
El reinu de los Qarajánidas constituyía, según les antigües tradiciones turques, un doble janato: nel este gobernaba'l gran Jan que moraba en Kara Ordu, y nel oeste gobernaba otru Jan instaláu en Kuz Ordu. Esti reinu dirixía, formalmente, a dellos pueblos turcos que yeren fracciones d'otros pueblos turcos, como: Basmil, Tcharuk, On-Oq, Turgech, Tabghtch, y Tchigil, por casu.
En 920, los Qarajánidas empobinaos por Satuq Bughara Qara-Khan ‘Abd al-Karim (reinó 950-956) convirtiéronse, colectivamente, al Islam. Sol reináu de Harun I (982-993), los Qarajánidas tomaron Bukhará a los Samánides. Sol reináu de los sos socesores, los Qarajánidas, terminaron la conquista de Transoxiana y llograron la retirada de los Samánidas hasta 999.
La espansión del Jorasán persa foi torgada, sicasí, polos gaznávidas d'orixe esclavu turcu. Dempués de la so derrota frente a los Selyúcides (una cla Oghuz) (1040), estos postreros fueron los adversarios más peligrosos pa los Qarajánidas.
En 1041, el reinu unitariu foi definitivamente estremáu, convirtiéndose nun reinu occidental y un reinu oriental.
Nel reinu occidental (Transoxiana), que la so capital yera Bukhará, sustituyida en 1042 por Samarcanda, vivió, sol reináu d'Ibrahim I (1038-1067), y de Nasr I (1067-1080) una situación estable que fomentó'l comerciu con China al traviés de la Ruta de la seda consiguiendo una consistente economía.
Nesta dómina los ataques de los selyúcides pudieron ser repelidos pero, en 1089 los selyúcides vencieron a los qarajánidas del reinu occidental gobernáu por Áhmad I (1081-1095) y ocuparon Bukhará y Samarcanda. Áhmad I nun pudo asegurar el so poder col consentimientu de los selyúcides, nin la reconocencia de la so soberanía. Los kanes del reinu occidental fueron, dende esi momentu, entronizados o depuestos polos selyúcides. Magar esta sumisión los qarajánidas de Transoxiana pudieron desenvolver una intensa actividá arquitectónica. Sol gobiernu de Muhammad II (1102-1130), alzaron, ente otros, el Minarete de Kalyan y la ciudadela de Bukhará. En 1141, los qarajánidas tuvieron que reconocer la soberanía de los Kara-Kitai y, a partir de 1180 la de los Jorezmitas. Estos postreros depunxeron en 1212 al postreru jan de los qarajánidas Ulugh Sultan Uthman (1200-1212).
El reinu oriental Kashgar pudo, coles mesmes, afirmar la so posición magar la división producida. Al igual que nel reinu occidental, dempués d'una situación estable mientres el reináu d'Abu Chudja Arslan (1032-1057) y de Tughril I (1056-1075), Harun II (1075-1102), tuvo que reconocer la soberanía de los selyúcides, anque éstos nun pudieron exercer tanto predominiu como nel reinu occidental. Nesta dómina, Balasagun, residencia del rei oriental, foi un centru de cultura turcu-musulmana. Editáronse, ente otros, l'espeyu del príncipe turcu, el Qutadghu, de Yusuf Khass Hadjib y una enciclopedia turca, el Diwán lughât at-Turk ("Escoyeta de llingües turques") de Mahmud Kashgari.
Pero la decadencia del reinu oriental empezó en 1128 cuando los Kara-Khitans fueron riquíos pel país pa combatir a los nómades sublevaos. Estos ganaron a los Qarajánidas y ocuparon munches zones del país, el reinu oriental namái pudo caltenese alredor de Kashgar d'onde fueron espulsaos en 1211 polos jorezmitas.
A partir de 1040, formáronse tres llinies paraleles de la dinastía * Kuz Ordu y Kashgar (reinu oriental), * Bukhará y Samarcanda (reinu occidental) y * el pequeñu janato de Ferganá.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.