Préstamu llingüísticu
From Wikipedia, the free encyclopedia
Un préstamu llingüísticu ye una pallabra, morfema o espresión d'un idioma que ye afecha a otru idioma. De cutiu resulta de la influencia cultural de los falantes del primer idioma sobro los del segundu. Cuando l'elementu emprestáu ye una pallabra léxica, de normal un axetivu, un nome o un verbu, falamos de préstamu léxicu. El préstamu léxicu ye de lloñe el más frecuente de toos, pero tamién esiste'l préstamu gramatical, qu'asocede especialmente cuando un númberu importante de falantes billingües de les dos llingües usen partícules, morfemes y elementos non léxicos d'una llingua cuando se fala la otra. Otru fenómenu similar ye'l calcu semánticu, nel cual anque nun se toma una espresión lliteral d'otru idioma, sí toma nel so significáu.