Programa espacial de la Xunión Soviética
From Wikipedia, the free encyclopedia
Se engloban so la etiqueta de Programa espacial soviéticu les iniciatives astronáutiques desenvueltes pola XRSS dende 1957 hasta'l momentu de la so disolución en 1991. Les ambiciones espaciales ruses empezaron nel sieglu XIX, tuvieron los sos primeros estudios teóricos nel entamu del sieglu XX y desenvolviéronse principalmente mientres la Guerra Fría na Xunión Soviética. Los soviéticos fueron pioneros de la carrera espacial al ser los primeres n'unviar un satélite (Sputnik 1), una criatura viva (Laika), un home al espaciu (Gagarin) y sondes interplanetaries a Marte (Marsnik 1) y Venus (Venera 1).
Programa espacial de la Xunión Soviética | |
---|---|
organización | |
programa espacial | |
Información | |
Parte de | vuelu espacial |
El 4 d'ochobre de 1957, el satélite Sputnik 1 foi llanzáu con ésitu por un cohete R-7. El primer satélite artificial puestu n'órbita sorprendió a los estauxunidenses, que rápido crearon la NASA pa desenvolver el so programa espacial ya intentar algamar a los soviéticos.
El principal inxenieru a cargu foi Serguéi Koroliov. Tuvo un gran equipu, otru miembru destacáu foi Borís Yevséyevich Chertok, que tuvo a cargu del desenvolvimientu de sistemes de guía y control.
Un mes dempués, el 3 de payares de 1957, la perra Laika foi unviada al espaciu a bordu del Sputnik 2. L'oxetivu de la misión foi monitorizar los efeutos d'un viaxe al espaciu nun ser vivu. Laika foi la primer criatura viva en orbitar la Tierra.
El 12 de xunetu de 2007, Rusia celebró'l 100 aniversariu de la nacencia de Serguéi Koroliov, el presidente Putin apurrió reconocencies y flores a la fía del padre del programa espacial.