![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/d/df/Pr%25C3%25A1xedes_Mateo_Sagasta._Pintado_por_Casado_del_Alisal_en_1884.jpg/640px-Pr%25C3%25A1xedes_Mateo_Sagasta._Pintado_por_Casado_del_Alisal_en_1884.jpg&w=640&q=50)
Práxedes Mateo Sagasta
políticu español (1825–1903) / From Wikipedia, the free encyclopedia
Práxedes Mateo Sagasta y Escolar (21 de xunetu de 1825, Torrecilla en Cameros – 5 de xineru de 1903, Madrid) foi un políticu español, presidente siete vegaes del Gobiernu nel periodu calteníu ente 1870 y 1902, famosu poles sos dotes retóriques.
![](http://upload.wikimedia.org/wikipedia/commons/thumb/8/8d/Portrait_of_Praxedes_Mateo_Sagasta.jpg/320px-Portrait_of_Praxedes_Mateo_Sagasta.jpg)
Miembru del Partíu Lliberal, de calter progresista, durante los sos estudios d'inxenería de Caminos, Canales y Puertos en 1848, foi l'únicu de la so falcultá que se ñegó a firmar un manifestu en sofitu a la reina Sabela II d'España. Tres finar los sos estudios, entamó a formar parte de la vida política.
Sagasta foi miembru de les Cortes ente 1854 y 1857, y posteriormente ente 1858 y 1863. Trés años dempués, tres un golpe d'Estáu fallíu, exiliaráse en Francia. Nun tornó a España hasta 1868, pasando a incorporase nel gobiernu provisional progresista qu'asumiera el poder tres La Gloriosa (llevantamientu militar) que punxo fin al reináu de Sabela II.
Mateo Sagasta tamién presidió'l conflictu Hispanu-Americanu de 1898, alcuñáu n'España Guerra de Cuba, que supunxo la pérdida de les últimes colonies n'América: Cuba y Puertu Ricu, asina como tamién Filipines y Guam, derrota pola que tuvo inevitablemente Sagasta qu'asumir la reponsabilidá. El fechu que nun impidió, a pesar del so desprestixu, que-y fora nuevamente confiáu'l gobiernu de la monarquía Alfonsina ente 1901 y 1902.