Ponte d'Adán
formación xeolóxica ente Sri Lanka y la India From Wikipedia, the free encyclopedia
La ponte d'Adán, tamién conocida como la ponte de Rama o Rama Setu, ye una cadena de petones y bancos de sable ente les islles de Rameswaram, frente a la mariña suroriental de Tamil Nadu (sur de la India ) y Mannárama (nel noroeste de Sri Lanka).
| Ponte d'Adán | |
|---|---|
| ஆதாம் பாலம் (ta) | |
 | |
| Situación | |
| Tipu | accidente xeográficu |
| Asitiáu en | Océanu Índicu |
| Coordenaes | 9°07′16″N 79°31′18″E |
  Ponte d'Adán Ponte d'Adán (India) | |
| Datos | |
| Fusu horariu | UTC+05:30 |
| Llonxitú | 48 km |
 | |
La primer mención de la cadena apaez nel antiguu poema épicu sánscritu Ramayana, escritu por Valmiki. Na obra la ponte ye denomináu Setubandhanam (2-22-76) y refierse a la so construcción polos Vánara o "homes monu" que sirvíen al héroe Rama, d'ende'l so otru nome: Rama Setu. El mar que dixebra a la India de Sri Lanka llámase Sethusamudram, esto ye, "Mar de la Ponte".[1]
N'El llibru de rutes y reinos (árabe: Kitab al-w'al Masalik-Mamalik), escritu nel sieglu ix pol xeógrafu persa Ibn Khordadbeh, dáse-y el nome de Set Bandhai o "Ponte del Mar".
N'occidente, méntase nun mapa neerlandés de 1747 (calteníu na Biblioteca Saraswathi Mahal de Thanjavur) col nome de Ramancoil, treslliteración aproximada del tamil Raman Kovil (Templu de Rama).
En mapes británicos del sieglu xix dáse-y el nome de Adam's bridge (Ponte d'Adán) en referencia al Picu d'Adán, monte de Sri Lanka mentada por autores islámicos, onde supuestamente moraría Adán al ser espulsáu del Paraísu. Les mesmes fontes describen al primer patriarca cruciando de Sri Lanka a la India pola ponte que lleva'l so nome.
Ponte d'Adán
- Adam's Bridge (n'inglés),
- Ta Āthām Pālam o ஆதாம் பாலம் (en tamil).
Ponte de Rama
La evidencia xeolóxica indica que la ponte de tierra ye una antigua conexón terrestre ente India y Sri Lanka.[3] Forma una especie d'istmu de 30 km de llargor.[nota 1] y dixebra'l golfu de Mannar (suroeste) del estrechu de Palk (nordeste). Dalgunos de los bancos de sable tán secos y el mar na zona tien escasa fondura, con solu ente 1 y 10 metros de fondura na zona, lo qu'enzanca'l saléu.[3][4][5]
Dizse que podía pasase a cuerpu hasta'l sieglu XV cuando les nubes corrieron los bancos de sable que s'atroparen sobro los petones de coral: los documentos del templu paecen dicir que la ponte de Rama taba por completu percima del nivel del mar hasta que se rompió por un ciclón nel añu 1480.[6]
Según la versión actual del Ramayana (escritu orixinalmente por Valmiki nel sieglu III a.C.), un exércitu de vánaras (monos antropoides) lideraos pol monu Jánuman precisaben cruciar l'estrechu de Palk (el mar ente la India y Sri Lanka) pa rescatar a Sita, la esposa del rei divos Rama, que fuera raptada pol raksasa de diez cabeces Rávana.
Los monos empezaron a tirar roques al océanu, que ―gracies a una bendición del dios Rama llexaben sobro l'agua. D'esa manera crearon la «ponte de Rama», cruciaron l'estrechu y conquistaron Sri Lanka. Dempués de tornar al continente, la ponte dexó de llexar y fundióse nel océanu.
Un vánara constructor llamáu Nala dixo ser descendiente de Viswakarma ―l'arquiteutu de los dioses― y dirixió a los sos compañeros vánaras pa construyir la ponte.[7] Tardaron cinco díes en terminar la ponte de 100 ioyanas (1100 km):[nota 2]
- 14 ioyanas nel día 1
- 20 ioyanas nel día 2
- 21 ioyanas nel día 3
- 22 ioyanas nel día 4
- 23 ioyanas nel día 5
Rama viviría a finales del treta-iuga (la tercer era), esto ye hai unos 0,87 millones d'años.[nota 3]
Sicasí, la evidencia xeolóxica afirma que l'istmu creóse (por movimientos de los bancos de sable dende'l continente) hai apenes unos 5000 años.[8]
Acordies cola midida del radiocarbonu d'una muestra del coral que s'atopa so los bancos de sable, estos empezáronse a crear ente'l 2210 y el 1880 e.C.[9]
Na actualidá, dellos sitios d'internet d'orixe indostaní afirmen que la ponte foi construyida'l 20 de setiembre de 5076 a.C.[10]
Datación de la lleenda
Esta lleenda dexa fechar la versión actual del Ramayana, yá que dempués de que l'istmu quedó somorguiáu so l'agua (en 1480), les persones que cruciaben en botes a Sri Lanka podíen atalantar que a poca fondura había una «ponte» fundida. Entós ―para esplicar por qué había una especie de ponte que cruciaba hasta la islla de Sri Lanka y que nun se podía utilizar porque s'atopaba a unos metros de fondura― crearíase una lleenda de que l'istmu fuera una ponte que llexara pero que se fundiera.[11]
- Estructures de Yonaguni
- Camín de Bimini
- Ciudá somorguiada de Cuba
- Arqueoloxía submarina nel Golfu de Khambhat
- Room, Adrian (2006). Placenames of the World. McFarland & Company. p. 19. ISBN 0-7864-2248-3.
- Ronit Ricci. Islam Translated: Literature, Conversion, and the Arabic Cosmopolis of South and Southeast AsiaI, pag.136 (ISBN0226710882, 9780226710884)
- Llonxitú medida col software Google Earth.
- Según el Yuddha-kanda ―el ‘capítulo de la lucha’ del Ramaiana― (6.22.68 a 6.22.72).
- Según la mitoloxía, trescurrieron 5000 años dende l'empiezu de kali-iuga, y la era anterior ―dwapara-iuga― duró 864.000 años.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
