![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/a/ae/Edificio_PDVSA_5_de_Julio.jpg/640px-Edificio_PDVSA_5_de_Julio.jpg&w=640&q=50)
Petróleos de Venezuela
From Wikipedia, the free encyclopedia
Petróleos de Venezuela (PDVSA) ye una empresa estatal S.A. venezolana que les sos actividaes son la esplotación, producción, refinamientu, mercadéu y tresporte del petroleu venezolanu. Foi creada por decretu gubernamental mientres la primer presidencia de Carlos Andrés Pérez depués de la nacionalización de la industria petrolero, dando entamu a les sos operaciones el 1 de xineru de 1976. PDVSA apaez en llista Global 500 de la revista Fortune nel puestu 39 ente les empreses más grandes del mundu sobre la base de los sos ingresos, siendo la segunda na rexón de Llatinoamérica.[1] La petrolera, tien les mayores reserves petrolíferes del mundu, algamando a finales de 2013, una suma total certificada de 298.353 millones de barriles, que representen el 20% de les reserves mundiales d'esti recursu.[2] La empresa espera, depués de rematar la cuantificación de les reserves de petroleu na Faxa del Orinoco, amontar entá más esta cifra, acordies con lo axustao nel Proyeuto Magna Reserva.[3] Al rematar dichu proyeutu, Venezuela tendrá de tener reserves probaes con un total cercanu a 316.000 millones de barriles, la mayoría d'ellos correspondientes a crudu extrapesado.[4] La estatal pública tien operaciones n'Arxentina, Paraguay, Uruguái, Ecuador, Bolivia, Brasil y Cuba.[5] La República Bolivariana de Venezuela tien la totalidá de les aiciones de la empresa, que s'atopa adscrita al Ministerio del Poder Popular pa la Enerxía y Petroleu. Na Constitución de 1999 ta contempláu que la empresa caltenga'l monopoliu esclusivu de los hidrocarburos que s'atopen nel sosuelu venezolanu (petroleu, gas natural, ente otros) y que les sos aiciones nun pueden ser vendíes a particulares. Sicasí, la empresa puede acomuñar y apurrir concesiones pa la prestación de servicios rellacionaos colos sos productos. Petróleos de Venezuela aportó a la tercer empresa nel mundu en capacidá de refinamientu, capaz de procesar 3,3 millones de barriles diarios de petroleu, anque dichu nivel de producción viose amenorgáu nos últimos años hasta allugase en 2.729.000 b/d.[6] Tien 24 refineríes en tol mundu, 18 d'elles nel esterior y 6 nel país.[7] Ente les instalaciones en suelu venezolanu, destaca la segunda refinería más grande del mundu: el Complexu Refinador Paraguaná, nel estáu Falcón, con una capacidá de procesamientu de 940.000 barriles diarios de crudu, según les refineríes de Puerto La Cruz, con una capacidá de procesamientu de 200.000 barriles diarios y El Palito, que refina 130.000 barriles diarios.
Esta páxina o seición ta desactualizada. La información que tien ye vieya o insuficiente. |
Petróleos de Venezuela S.A. | |
---|---|
empresa petrolera (es) ![]() ![]() | |
![]() | |
![]() | |
Llocalización | |
Sede | Caraques |
Direición | Venezuela |
Forma xurídica | empresa pública |
Historia | |
Fundación | 30 agostu 1975 |
Organigrama | |
Dueñu |
Gobierno de Venezuela (es) ![]() |
Presidente | Pedro Tellechea |
Sector | |
Industria |
industria petrolera (es) ![]() |
Productos destacaos | petroleu |
Participación empresarial | |
Filiales | |
Propietariu de | |
Web oficial | |
![]() |
Acusóse a la empresa de clientelismu ya incompetencia, lo que daría llugar a una xestión supuestamente ineficaz y accidentes.[8]