From Wikipedia, the free encyclopedia
Penrhyn, o tamién Tongareva, ye un atolón, el más remotu de les islles Cook (Nueva Zelanda).
Penrhyn | |
---|---|
Situación | |
Tipu | atolón |
Parte de | Northern Cook Islands (en) |
Asitiáu en | Océanu Pacíficu |
Coordenaes | 9°00′20″S 157°58′10″W |
Datos | |
Altitú media | 4 m |
Superficie | 9,8 km² |
Ta asitiáu nel grupu septentrional, a 1.365 km al norte de Rarotonga.
L'atolón tien una llaguna de más de 280 km², una de les más grandes del Pacíficu sur. Les tierres remanecíes tienen una superficie total de 9,8 km². Dispón de trés pasos navegables al traviés del petón. El más utilizáu ye'l pasu de Taruia, cerca de la villa de Omoka.
Atópase exactamente a 9º de llatitud sur y 158º de llongitud oeste y por esto yera utilizáu frecuentemente polos navegantes para cubicar los sos preseos. Al otru llau de la llaguna atópase otra villa, denominada 'Te Tauta'.
La principal actividá económica ye'l cultivu de perlles negres. Son bien apreciaos los tradicionales sombreros artesanos de fueyes de pandanacia. Tien un serviciu postal propiu con unos sellos apreciaos polos coleccionistes.
La población total yera de 357 habitantes al censu nel 2001.
L'atolón foi afayáu en 1788, pol inglés W. Severo nel barcu Lady Penrhyn, de vuelta del primeru viaxe de deportación de convictos a Australia. El nome orixinal maorí ye Tongareva, que significa "alloñada dende'l sur". Tamién se conocía como «el círculu» (Te Pitaka).
El nome maorí actual ye Mangorongaro.
A partir de 1854 foi evanxelizada por pastores de Rarotonga. Diez años más tarde llegaron los negreros peruanos y envarase que deportaron al Perú, unos 1.000 habitantes de la islla, ayudaos polos misioneros que precisaben dineru para construyir les sos ilesies.
Denominaron la islla como de los Cuatro Evanxelistes.
Mientres la II Guerra Mundial construyóse un aeropuertu qu'inda ta en serviciu, con vuelos selmanales a Rarotonga.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.