Paralís del suañu
From Wikipedia, the free encyclopedia
La paralís del suañu ye una incapacidá transitoria pa realizar cualquier tipu de movimientu voluntariu que tien llugar mientres el periodu de transición ente l'estáu de suañu y el de vixilia.[1] Puede asoceder nel momentu d'empezar a dormir o nel d'espertase y suel acompañase d'una sensación de gran congoxa.[2][3][4][5] La so duración suel ser curtia, xeneralmente ente unu y tres minutos, tres los cualos el paralís vence bonalmente. Mientres l'episodiu, la persona ta totalmente consciente, con capacidá auditiva y táctil, pero ye incapaz de movese o falar, lo que puede provocar gran ansiedá. Sicasí, nun esiste peligru dalgunu pa la vida, pos los músculos respiratorios siguen funcionando automáticamente.[6] Esti trestornu ta recoyíu na Clasificación internacional de los trestornos del suañu dientro del grupu de les parasomnias.