Orde Olímpica
From Wikipedia, the free encyclopedia
La Orde Olímpica ye una condecoración de calter civil, el gallardón más importante de los concedíos pol Movimientu Olímpicu. Foi creada nel mes de mayu de 1975 pol Comité Olímpicu Internacional (COI) como distinción socesora del Certificáu Olímpicu. Esta orde nun primer momentu tuvo tres categoríes (oru, plata y bronce) anque dende l'añu 1984 la modalidá de bronce cayó en desusu. #Otorgar por contribuciones especialmente estremaes al Movimientu Olímpicu, esto ye, en reconocencia al valor del esfuerciu como méritu pa la causa del deporte. Tamién de forma habitual, como muestra de cortesía, el COI apurre la Orde Olímpica al responsable nacional de la organización de los Xuegos Olímpicos na ceremonia de clausura d'estos.
La insinia de la Orde Olímpica, realizada nel metal correspondiente a la so categoría, consiste nun collar estremáu en dos metaes cola forma d'una corona d'olivar kotinos na so parte frontal y compuestu d'eslabones a manera de cadena na posterior. Na parte central del collar, apaecen asitiaos los cinco aniellos, principal símbolu del Movimientu Olímpicu, motivu central de la so bandera. Xunto al collar apurre una insinia de pequeñu tamañu pa ser asitiada na solapa, conocida como miniatura, realizada n'oru, plata y bronce según correspuenda. Nadia Comaneci, foi la única atleta en recibir la Orde Olímpica dos veces (1984, 2004), amás de ser el gallardoniáu más nuevu.