Océanu Glacial Antárticu
océanu / From Wikipedia, the free encyclopedia
L'océanu Antárticu , océanu glacial Antárticu, tamien Océanu Austral, estiéndese dende la costa antártica hasta los 60º S, llende convencional col Océanu Atlánticu, l'Océanu Pacíficu y l'Océanu Índicu. Ye'l penúltimu océanu n'estensión: namái l'Océanu Árticu ye más pequeñu. La so estensión foi afitada pola Organización Hidrográfica Internacional nel añu 2000 y coincide coles llendes fixaes pol Tratáu Antárticu.[1]
Océanu Glacial Antárticu | |
---|---|
Situación | |
Condominio (es) | Rexón del Tratáu Antárticu |
Tipu | océanu |
Parte de | Océanu Mundial |
Coordenaes | 65°S 90°E |
Datos | |
Superficie | 20 327 000 km² |
Noamáu por | sur y L'Antártida |
Fondura | 7235 m |
L'Océanu Antárticu ye'l únicu n'arrodiar dafechu el globu terráqueu, ya endolca toa L'Antártida. Tien una superficie de 20.327.000 km² una cifra qu'inclúi a los mares periféricos: el Mar d'Amundsen, el Mar de Bellingshausen, parte del Pasaxe de Drake, el Mar de Ross y el Mar de Weddell. La tierra firme ye visible sobro l'océanu con 17.968 km de costa.[2][3].