Ningbó
From Wikipedia, the free encyclopedia
Ningbó (chinu simplificáu: 宁波, chinu tradicional: 寧波, pinyin: Níngbō) ye la segunda ciudá n'importancia de la provincia de Zhejiang na República Popular China. Ye, amás, el principal puertu de la provincia. Tien una población de 7,6 millones habitantes y ocupa una área de 9 365 km². Ta asitiada al sur de la badea de Hangzhou, frente al mar de China Oriental.
Ningbó | |
---|---|
Alministración | |
País | República Popular China |
Provincies | Zhejiang |
Tipu d'entidá | Ciudá-subprovincia de la República Popular China |
Nome oficial | 宁波市 (zh-cn) |
Nome llocal | 宁波 (zh) |
Códigu postal |
315000 |
Xeografía | |
Coordenaes | 29°52′30″N 121°32′57″E |
Superficie | 9365.58 km² |
Altitú | 150 m |
Demografía | |
Población | 9 404 283 hab. (2020) |
Porcentaxe |
14.57% de Zhejiang 0.65% de República Popular China |
Densidá | 1004,13 hab/km² |
Más información | |
Prefixu telefónicu |
0574 |
Estaya horaria | UTC+08:00 |
Llocalidaes hermaniaes | |
ningbo.gov.cn… | |
Mientres les dinastíes Tang y Song, la ciudá convirtióse nun importante nucleu comercial. Los comerciantes portugueses llegaron a la ciudá en 1522. Ningbo foi unu de los primeros puertos que abrieron a los estranxeros pol Tratáu de Nanjing, al rematar la primer Guerra del Opiu qu'enfrentó a británicos y chinos.
Mientres la guerra del opiu, les tropes britániques ocuparon la ciudá cercada n'atacando la ciudá de Zhenhai, el 10 d'ochobre de 1841. Les fuercies de la revolución Taiping ocuparon la ciudá por un periodu de seis meses en 1864.
Anguaño, la ciudá sigue siendo un importante puertu. Nel añu 2008 rematóse la construcción de la ponte de la badea de Hangzhou que xune Ningbo cola municipalidá de Shanghai.