![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/d/de/OldDutcharea.png/640px-OldDutcharea.png&w=640&q=50)
Neerlandés antiguu
From Wikipedia, the free encyclopedia
En llingüística, el neerlandés antiguu o bajofranconio antiguu[1][2] ye'l conxuntu de dialeutos franconios (esto ye, dialeutos qu'evolucionaron a partir del fráncicu) falaos na rexón de los Países Baxos mientres l'Alta Edá Media alredor del sieglu V al XII.[3] El neerlandés antiguu ta grabáu principalmente en fragmentos de reliquies y les pallabres fueron reconstruyíes a partir de préstamos llingüísticu del neerlandés mediu y neerlandés antiguu en francés.[4]
![]() antiguu | |
---|---|
Faláu en | Holanda, Austrasia, Zelanda y Flandes |
Familia | Indoeuropéu Xermánicu Xermánicu occidental Franconio |
Alfabetu | Runes, alfabetu llatín darréu |
Estatus oficial | |
Oficial en | Nengún país |
Reguláu por | Nun ta reguláu |
Códigos | |
ISO 639-1 | nengún |
ISO 639-2 | {{{iso2}}} |
ISO 639-3 | odt |
![]() Les árees onde'l neerlandés antiguu foi faláu. |
El neerlandés antiguu ye consideráu como la etapa primaria nel desenvolvimientu d'un idioma neerlandés separáu. Sicasí, como les fronteres modernes de los Países Baxos nun reflexen nenguna delimitación especial del continuu dialeutal del xermánicu occidental continental qu'esistía mientres el periodu del neerlandés antiguu, nel qu'entá nun habíen llingua estándar, dellos llingüistes prefieren evitar el términu "neerlandés antiguu" totalmente y falar namái de bajofranconio antiguu. Foi faláu polos descendientes de los francos salios qu'ocuparon lo qu'agora ye'l sur de los Países Baxos, el norte de Bélxica, parte del norte de Francia y partes de les rexones alemanes del So Rin. Evolucionó al neerlandés mediu alredor del sieglu XII. Los habitantes de les provincies septentrionales de los Países Baxos, incluyendo Groningen, Frisia y la mariña d'Holanda Septentrional falaben frisón antiguu y dalgunos nel oriente (Achterhoek, Overijssel y Drenthe) falaben saxón antiguu.