Nebraska
From Wikipedia, the free encyclopedia
Nebraska ye un estáu de los Estaos Xuníos d'América. Asítiase na rexón de les Grandes Llanures, nel Mediu Oeste. Llenda al norte con Dakota del Sur, con Iowa al este y con Missouri al sureste, con Kansas al sur, con Colorado al suroeste, y con Wyoming al oeste. La so estensión ye d'alredor de 200.000 km², y la so población de cuasi 1,9 millones d'habitantes. La so capital ye Lincoln, y Omaha, a la vera'l ríu Missouri, la ciudá más poblada.
 | Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. |
| Nebraska | |||
|---|---|---|---|
| |||
| Alministración | |||
| País |  Estaos Xuníos d'América | ||
| ISO 3166-2 | US-NE | ||
| Tipu d'entidá | Estaos d'Estaos Xuníos | ||
| Capital | Lincoln | ||
| Gobernador de Nebraska | Jim Pillen | ||
| Nome llocal | State of Nebraska (en) | ||
| Llingües oficiales | inglés | ||
| División |
ver
| ||
| Xeografía | |||
| Coordenaes | 41°30′N 100°00′W | ||
 | |||
| Superficie | 200520 km² | ||
| Llenda con | Dakota del Sur, Missouri, Colorado, Iowa, Kansas y Wyoming | ||
| Puntu más altu |
Panorama Point (en)  | ||
| Puntu más baxu | ríu Missouri | ||
| Altitú media | 790 m | ||
| Demografía | |||
| Población | 1 961 504 hab. (1r abril 2020) | ||
| Densidá | 9,78 hab/km² | ||
| Viviendes | 766 663 (31 avientu 2020) | ||
| Más información | |||
| Estaya horaria | UTC−07:00 y América/Chicago | ||
| Fundación | 1r marzu 1867 | ||
| nebraska.gov | |||
 | |||
La zona estuvo ocupada, demientres miles d'años, por tribus indíxenes como los omaha, missouria, ponca, pawnee, otoe y sioux. De magar la llegada los europeos perteneció a España y Francia, ensin que dengún de los dos países colonizara dafechu'l territoriu; seríen los ingleses, a finales del sieglu XVIII, los que crearan el primer asentamientu, el puestu comercial nomáu Fort Charles. L'exércitu d'Estaos Xuníos llevantó'l so primer fuerte en 1819, y en 1854 creose'l territoriu de Nebraska, qu'habría convertise nel 37ᵘ estáu de la Xunión el 1 de marzu de 1867.
Xeográficamente l'estáu tien dos fasteres de paisaxe estremáu: al oeste tán les Grandes Llanures, d'estepa ensin arboláu, perbona pa la cría estensiva del ganáu; y al este una rexón de perfil onduláu con cumales de pocu altor, nomada Dissected Till Plains, na que s'asitien les mayores ciudaes del estáu, Lincoln y Omaha. Climáticamente hai tamién dos zones nel país. Na metá oriental hai un clima continental húmidu (Dfa na clasificación climática de Köppen), y na occidental un clima semiáridu (BSk). En xeneral hai grandes diferencies de temperatura ente l'iviernu y el branu, con fuertes tormentes y tornados na primavera y el branu y un vientu, nomáu Chinook, que suaviza'l clima nel iviernu y al entamu la primavera.
Referencies
Enllaces esternos
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
