From Wikipedia, the free encyclopedia
Nashira (γ Capricorni / γ Cap / 40 Capricorni)[7] ye la cuarta estrella más brillosa na constelación de Capricorniu. La so magnitú aparente ye +3,69.
El nome de Nashira procede del árabe Al Sa'd al Nashirah y significa «portadora de bones noticies» o «l'afortunada». En Babilonia, Nashira señalaba'l 27º asterismu eclíptico, Mahar sha hi-na Shahu, «el del oeste na cola de la cabra».[8]
En China, esta estrella, xunto a Deneb Algedi (δ Capricorni), ε Capricorni, κ Capricorni y otres estrelles d'Acuariu y Piscis, formaba Luy Pei Chen, «el campu atrincherao».[9]
Asitiada a 139 años lluz del Sistema Solar, Nashira tradicionalmente foi catalogada como estrella blancu-mariella de tipu espectral F0p;[10] dáu'l so estáu inciertu evolutivu, foi considerada una estrella de la secuencia principal. Observaciones más minucioses, sicasí, suxeren que ye una estrella de tipu A7.[7][11] La so lluminosidá, 47 vegaes mayor que la lluminosidá solar, y la so masa, equivalente a 2,5 mases solares, suxeren que ta abandonando la secuencia principal pa convertise nuna estrella xigante.[11]
Nashira tamién foi clasificada como una estrella Am, un tipu d'estrelles que'l so espectru presenta llinia d'absorción fuertes de dalgunos metales. La so velocidá de rotación nel ecuador ye de namái 30 km/s, inferior a la d'otres estrelles de tipu A, lo que puede favorecer la separación de distintos elementos químicos na so atmósfera.[11] Frente a dellos elementos como carbonu, oxíxenu, magnesiu o azufre que la so bayura relativa ye comparable a la solar, otros presenten bayures que claramente difieren de los valores solares. Circoniu, estronciu y itriu —esti postreru 200 vegaes más abondosa que nel Sol— amuesen valores bien percima de les solares; nel otru estremu, calciu y escandiu son deficitarios al respective de la nuesa estrella.[12]
Coles mesmes, Nashira ta considerada una estrella variable Alfa2 Canum Venaticorum con pequeñes variaciones nel so rellumu de 0,03 magnitúes.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.