Métodu comparativu
From Wikipedia, the free encyclopedia
El métodu comparativu ye un procedimientu de busca sistemática de semeyances léxiques y fonétiques nes llingües al envís d'estudiar el so parentescu y finalmente reconstruyir la protollingua que dio llugar a los dos o más llingües comparaes nel procedimientu. El métodu comparativu ye una parte fundamental de les téuniques de la llingüística histórica. El métodu ye aplicable cuando atopamos con dos o más llingües ente les que se supón esiste cierta rellación xenética. Si los datos son bonos, el métodu ye capaz non yá d'amosar como yera l'antecesor común de diches llingües, sinón tamién el grau de cercanía ente les distintes llingües y por tanto la secuencia de diferención de les llingües d'una determinada familia de llingües.
Esti métodu utiliza llistes de cognaos, pares de pallabres que comparten orixe y tienen significaos y formes fonétiques relacionables ente sigo. Estos cognaos sirven pa determinar el grau de rellación ente distintes llingües dientro d'una mesma familia. El indoeuropéu foi reconstruyíu principalmente por aciu el métodu comparativu.