Muséu de Pintura Juan Barjola
From Wikipedia, the free encyclopedia
El muséu Juan Barjola ye un muséu allugáu na ciudá asturiana de Xixón.
 | Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. |
| Muséu de Pintura Juan Barjola | |
|---|---|
| muséu d'arte y muséu | |
 | |
| Llocalización | |
| País |  España |
| Autonomía |  Principáu d'Asturies |
| Provincia | provincia d'Asturies |
| Conceyu |  Xixón |
| Parroquia | Xixón |
| Coordenaes | 43°32′39″N 5°39′49″W |
  Muséu de Pintura Juan Barjola Muséu de Pintura Juan Barjola (Asturies) | |
| Historia y usu | |
| Apertura | 1988 |
| Orixe del nome | Juan Barjola |
| Web oficial | |
 | |
El muséu inauguróse'l 16 d'avientu de 1988 tres la donación que fizo'l pintor, Juan Barjola, de 104 obres correspondientes a los años que van de magar 1950 a 1988. La rehabilitación de la so sé actual fízose en 1989 desegún el proyeutu de los arquiteutos José Antonio Galea Fernández y Álvaro Llano.
Ta xestionáu pola conseyería de cultura del Principáu d'Asturies.
El muséu tien la so sé nun garapiellu d'edificios asitiaos nel cascu antiguu de la ciudá de Xixón. Conócense como Conxuntu de la Trinidá, y compónese del palaciu de los Xove-Güergu y la capiella que tien a la vera. Como diz na inscripción fundacional que se conserva nun llateral de la capiella l'edificiu, que ye ún de los exemplos cimeros de l'arquiteutura barroca de la ciudá, esta acabó de construyise en 1676.
El palaciu ta formáu por dos edificios yustapuestos de planta rectangular y trés plantas d'altor. Los dos cuerpos tienen una distribución simétrica de los güecos de la so fachada, na que la separación de los pisos ta marcada por una llinia d'imposta. Nella nun hai adornu nengún más qu'un escudu coles armes d'Hevia, Miranda y Lavandera na exa central de la fachada, ente los dos cuerpos a l'altura de la tercer planta.
El palaciu tien, a la manzorga, una capiella adosada. Ye de planta de nave única, con dos tramos, y tien una fachada monumental na que llama l'atención la puerta, adintelada. Perriba d'ella ta l'escudu de los Xove, que ta coronáu por un frontón semicircular con lunetu que-y da lluz al coru de la ilesia. Remata l'edificiu una espadaña con frontón curváu. La nave de la ilesia cubre con bóveda d'arista, y el presbiteriu con cúpula sobre pechines decoraes coles figures de los cuatru evanxelistes. La capiella foi restaurada en 1963.
La esposición permanente ocupa trés de les cuatro plantes del edificiu, mentantu que la planta baxa ta reservada pa esposiciones temporales. El recorríu ha entamase, pa siguir un orde cronolóxicu, dende la tercer planta, áu s'asitien los sos primeros trabayos, pertenecientes a la década de los cincuenta. Continúase pola segunda planta con obres de la década de los setenta pa'afechar na primer planta con cuadros de la década de los ochenta.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
