Mur (informática)
From Wikipedia, the free encyclopedia
From Wikipedia, the free encyclopedia
El mure o mouse (n'inglés, pronunciáu [maʊs]) ye un dispositivu apuntador utilizáu pa facilitar el manexu d'una redolada gráfica nun ordenador. Xeneralmente ta fabricáu en plásticu, y utilízase con una de les manes. Detecta'l so movimientu relativu en dos dimensiones pola superficie plana na que se sofita, reflexándose davezu al traviés d'un punteru, cursor o flecha nel monitor. El mure puede coneutase de forma alámbrica (puertos PS/2 y USB) o inalámbricamente (comunicación inalámbrica o wireless, per mediu d'un adaptador USB coneutáu al ordenador y esta manda la señal al mure, tamién pueden ser per mediu de conectividad Bluetooth o infrarroxu).
Ye un periféricu d'entrada imprescindible n'unu ordenador d'escritoriu para la mayoría de les persones, y magar l'apaición d'otres teunoloxíes con una función similar, como la pantalla táctil, la práutica demuestra inda la so vida útil. Sicasí, nel futuru podría ser posible mover el cursor o'l punteru colos güeyos o basase na reconocencia de voz.