El zusmiu o zume ye'l líquidu que tien una planta, un alimentu y que se-y saca al mayalu, al cocelu. Por exemplu, el zusmiu de la mazana ye'l líquidu que s'estrái al mayar la mazana nún llagar; ésti líquidu ye col que dempués se fai la sidra. Al mayar la uva obtiénse tamién un zusmiu o mostu col que se fai'l vinu.
Zusmiu | ||
---|---|---|
![]() | ||
Nome | Zusmiu | |
Detalles | ||
Ingredientes | fruta y verdura | |
Más información | ||
[editar datos en Wikidata] |
Tamién recibe'l nome de zusmiu, la salvia de les plantes, sustancia que se compón de minerales, d'azucre y que-yos val d'alimentu.
Carauterístiques
Los zusmios recién mayaos son un refrescu mui nutritivu, principalmente poles vitamines que caltienen. Sicasí, una vegada mayaos pierden vitamines bien aína. Los zumes que se caltienen en tetra brik, suelen ser zumes fechos a partir de zusmiu concentráu, esto quier dicir que, dempués de prensao, son concentraos vaporiando l'agua per aciu de calor, y postreramente améstase-yos agua pa envasalo. Esto fai dable tresportar muncha menos agua y aforrar costes, pero esti procesu desanicia gran parte de les vitamines, lo qu'amenorga la principal cualidá nutritiva del zusmiu.