From Wikipedia, the free encyclopedia
M67 (tamién conocíu como NGC 2682) ye un cúmulu abiertu asitiáu na constelación de Cáncer. El so tipu trumpler ye II,2,r (según Glyn Jones), II,2,m (según el Sky Catalog del 2000), o II,3,r (según Götz).
M67 | ||
---|---|---|
Datos d'observación (Dómina J2000.0) | ||
Tipu | I,2,r o II,2,m, según les fontes | |
Ascensión reuta | 08h 51m 18s | |
Declinación | +11° 48' 0" | |
Distancia | 2700 a.l. (828 Pc) | |
Magnitú aparente (V) | 6.1 | |
Tamañu aparente (V) | 30,0' | |
Constelación | Cáncer | |
Carauterístiques físiques | ||
Radiu | 10 a.l. | |
Edá estimada | 3200 millones d'años | |
Númberu d'estrelles | ~500 | |
Otres designaciones | ||
NGC 2682 | ||
[editar datos en Wikidata] |
Descubiertu por Johann Gottfried Koehler nuna fecha anterior a 1779, ye unu de los cúmulos estelares abiertos más antiguos que se conocen. Les sos estrelles tienen una edá del mesmu orde que'l nuesu sistema solar (4000-7000 millones d'años), polo que ye oxetu d'estudiu de científicos nel campu d'evolución estelar.
La so magnitú conxunta en banda B (filtru azul) ye igual a la 7.6, la magnitú en banda V (filtru verde) ye igual a la 6.9.
De la so velocidá radial, 32.30 km/s, deduzse que s'alloña de la Tierra a 116 280 km/h: esta velocidá ta aniciada pola combinación de la so velocidá orbital alredor del nucleu de la Vía Lláctea, amás de la velocidá propia del Sol y de la Tierra.
M67 tien aproximao 500 componentes. Contién 11 estrelles xigantes de tipu espectral K con magnitú absoluta ente +0.5 y +1.5, según delles estrelles na zona más azul de la secuencia principal, la más brillosa d'elles de tipu espectral B8 o B9. Tamién tien 200 nanes blanques y 100 estrelles asemeyaes al nuesu sol. La magnitú aparente de les sos estrelles más brilloses ye alredor de 10ª.
Debíu al altu númberu d'estrelles, de tipos tan distintos, foi estudiáu intensamente: Shapley (1917) realizó los primeros trabayos sobre los sos colores y magnitúes, Barnard (1931) midió la posición de los sos principales componentes (pa determinar los sos movimientos propios), Popper (1954) los espectros de les sos brilloses estrelles, ente que Johnson y Sandage (1955) ellaboraron el primer diagrama HR precisu d'alredor de 500 estrelles, afayando la so elevada edá y el so estáu tan evolucionáu.
Hasta la fecha (2006) afayáronse la presencia de 25 fontes de rayos X nel cúmulu, la mayoría d'elles estrelles binaries interactuantes (presumiblemente del tipu RS CVn), con periodos orbitales de 10 díes o menos.
Na so parte sur, práuticamente na zona occidental, apaez un pequeñu agrupamientu de nueve estrellitas conocíu como Dipper: tien forma de pequeña cometa cola cola curvada; una de les sos estrelles componentes ye la variable S 999.
Contién bastantes variables del tipu binaria eclipsante y binaria espectroscópica; dalgunes d'estes estrelles, fácilmente visibles pa telescopios d'aficionáu dotáu de cámara CCD son:
En 2004 publicóse un estudiu[1]del cúmulu nel que se midieron les magnitúes de les sos estrelles con una precisión de diezmilésimes de magnitú: (0.0001 magnitú).
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.