![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/3/3c/Mathias_de_l%25E2%2580%2599Obel.jpg/640px-Mathias_de_l%25E2%2580%2599Obel.jpg&w=640&q=50)
Matthias de L'Obel
From Wikipedia, the free encyclopedia
Matthias de L'Obel (tamién Mathias de Lobel o Lobelius) foi un médicu, y botánicu flamencu ( *1538, Lille - 3 de marzu de 1616, Highgate, Gran Bretaña.
Matthias de L'Obel![]() | |
---|---|
![]() | |
Vida | |
Nacimientu | Lille[1], 1538[2] |
Nacionalidá |
![]() |
Muerte | Londres[4], 3 de marzu de 1616[5] (77/78 años) |
Estudios | |
Estudios |
Facultad de Medicina de Montpellier (es) ![]() |
Direutor de tesis | Guillaume Rondelet |
Llingües falaes |
llatín neerlandés[6] |
Alumnu de | Guillaume Rondelet |
Oficiu | botánicu, médicu, diseñador, ilustrador, escritor |
Llugares de trabayu | Amberes, Inglaterra, Delft, Londres y Amberes |
Influyencies | Guillaume Rondelet |
Abreviatura en botánica | Lobel (IPNI) |
Creencies | |
Relixón | calvinismu[7] |
![]() |
Estudió en Montpellier con Guillaume Rondelet que lu tuvo n'alta estima. Prauticó la Medicina de 1571 a 1581 n'Amberes y en Delft, onde foi médicu del príncipe Orange. En 1584, treslladóse a los Países Baxos, fuxendo de la guerra civil y dempués a Inglaterra onde permanecería hasta la so muerte. Foi superintendente del Xardín botánicu de Hackney, fundáu por Lord Zouch, y botánicu de la corona, con Xacobu I d'Inglaterra.
En collaboración con Pierre Pena, espublizó Stirpium adversaria nova en 1571, y en 1576, Plantarum seu stirpium historia, que foi traducíu al flamencu, en 1581, col títulu de Kruydboeck.
![Thumb image](http://upload.wikimedia.org/wikipedia/commons/thumb/1/18/Lobel_Taxus_1591.png/320px-Lobel_Taxus_1591.png)
Nel so Stirpium, L'Obel describió 1.500 especies de manera precisa, indicando les llocalidaes onde eses especies foron recoyíes; yera la flora esistente pela redolada de Montpellier y describe tamién plantes de Tirol, de Suiza y d'Holanda. A esta obra acompañábenlu 268 grabaos en madera tallao.
La so segunda obra Plantarum seu stirpium historia foi más qu'una simple adautación de la primera: contenía un índiz en siete idiomes y más de 2.000 ilustraciones (la mayoría procedentes d'obres de Clusius, de R. Dodoens y Pierandrea Mattioli). De L'Obel dedicó-ylu a la reina Sabela I d'Inglaterra. Foi impresa por Christophe Plantin y tuvo un gran ésitu. Nella adica'l principiu d'una clasificación más correuta que n'autores precedentes; axuntó con precisión les rosácees, gramínees y cereales y, n'otru grupu, les lleguminoses y el xéneru oxalis, polos sos foliolos subdividíos en trés. Atribúyese-y el primer intentu de clasificar les plantes según les sos afinidaes naturales, en llugar de los sos usos médicos.