partíu políticu From Wikipedia, the free encyclopedia
Más País ye un partíu políticu español d'esquierdes.
Más País | |
---|---|
Presidente | Íñigo Errejón |
Fundación | 2019 |
Estáu | España |
Ideoloxía política | Progresismu, Ecoloxismu, federalismu español y populismu d'izquierdes |
Posición nel espectru | izquierda |
Páxina web | maspais.es |
De cara a les eleiciones municipales de 2019 en Madrid, l'alcaldesa Manuela Carmena (qu'allegara a les elecciones municipales de 2015 como cabeza de llista d'Ahora Madrid), anunció en setiembre de 2018 la so voluntá d'aspirar a un nuevu mandatu, y en payares de 2018 presentóse una plataforma en redol a la cual configuró una candidatura pa los comicios: Más Madrid.[1][2][3][4][5] En xineru de 2019, Íñigo Errejón, aspirante escoyíu nes primaries de Podemos pa encabezar una llista de Xuníes Podemos pa les eleiciones a l'Asamblea de Madrid de 2019, anunció la so alianza con Carmena.[6] Más Madrid rexistróse como partíu políticu'l 7 de febreru de 2019.[7]
La candidatura de Más Madrid encabezada por Carmena foi la candidatura más votada nes eleiciones municipales nel conceyu de Madrid (19 de 57 conceyales) y la candidatura encabezada por Errejón la cuarta llista más votada nes eleiciones rexonales (20 de 132 diputaos), dambes celebraes el 26 de mayu. Tamién presentó llistes pa les eleiciones municipales n'otros conceyos de la Comunidá de Madrid.
El 22 de setiembre de 2019 les bases y dirixentes de Más Madrid aprobaron n'asamblea un mandatu pa la participación nes eleiciones xenerales de payares de 2019.[8]
El 25 de setiembre, Íñigo Errejón llanzó la plataforma, bautizada como Más País, nun actu denomináu como «Escontra les xenerales» celebráu na sede d'UXT.[9][10][11] Presentóse como una iniciativa que buscaba evitar una potencial deceición ente los votantes de centroesquierda y esquierda pol fracasu nel procesu de formación del gobiernu ente'l Partíu Socialista Obreru Español (PSOE) y Xuníes Podemos[12] Mientres la presentación de la plataforma, Errejón anunció que, con base en criterios técnicos, Más Madrid evitaría allegar nes circunscripciones más pequeñes (de menos 7 escaños), envalorándose que la posibilidá de presentar una candidatura nestes podría ser perxudicial de cara a la maximización d'escaños de les fuercies d'esquierda frente al bloque de dreches».[13] El 27 de setiembre, los líderes de Podemos na Rexón de Murcia, Óscar Urralburu y María Giménez, entós diputaos na Asamblea Rexonal de Murcia, abandonaron Podemos y arrenunciaron a les sos actes parllamentaries.[14][15][16]
Xurídicamente, Más País, configuróse como un renomamientu de Más Madrid efectuáu'l 30 de setiembre de 2019, modificando tamién el so ámbitu a unu nacional.[17][18] De cara a los comicios rexistró énte les xuntes eleutorales pertinentes coaliciones con Compromís (Alicante, Castellón y Valencia), Chunta Aragonesista (Zaragoza) y Equo (Madrid, La Coruña, Pontevedra, Murcia, Asturies, Santa Cruz de Tenerife, Les Palmes, Vizcaya, Cádiz, Circunscripción eleutoral de Granada Granada, Málaga y Sevilla).[17]
N'ochobre de 2019, Más País entamó a recoyer el númberu esixíu d'avales (0,1% del censu eleutoral na circunscripción) pa poder presentar candidatura en Barcelona[19][20]. Finalmente, el 7 d'ochobre, Más País formalizó la so candidatura[21] na circunscripción de Barcelona énte la Xunta Eleutoral Central, designando a Juan Antonio Geraldés[22] como cabeza de llista.
El 4 d'ochobre anuncióse que Carolina Bescansa, una de les cofundadores de Podemos, encabezaría la candidatura de más País por A Coruña.[23]
Comicios | Cabeza de lista | Votos | % de
votos |
Diputaos | Senadores | Posición | +/- |
---|---|---|---|---|---|---|---|
2019 (II) | Íñigo Errejón | 326,666 | 1,35% | 3/350 |
0/208 |
10º | 3 |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.