Lucio Elio Estilón
From Wikipedia, the free encyclopedia
Lucio Elio Estilón (en llatín, Lucius Aelius Stilo Praeconinus; h. 154 - 74 e.C.), de Lanuvio, ye'l filólogu más antiguu de la República Romana. Venía de una familia distinguida y pertenecía a la orde ecuestre.
Lucio Elio Estilón![]() | |
---|---|
Vida | |
Nacimientu |
Lanuvium (es) ![]() |
Nacionalidá | Antigua Roma |
Muerte | valor desconocíu, 74 de edC (79/80 años) |
Familia | |
Padre | valor desconocíu |
Madre | valor desconocíu |
Estudios | |
Llingües falaes | llatín |
Alumnu de |
Dionisio de Tracia (es) ![]() |
Profesor de |
Cicerón Marcu Terencio Varrón |
Oficiu |
escritor, filólogu, filósofu, gramático (es) ![]() |
Movimientu | Estoicismu |
![]() |
Llamóse-y Stilo (en llatín, stylus, "pluma"), por cuenta de que él escribió discursos pa otros, y Preconino pol oficiu del so padre (praeco, "anunciante, pregoneru, heraldu"). Los sos simpatíes aristocrátiques yeren tan fuertes que voluntariamente acompañó a Cecilio Metelo Numídico al exiliu. En Roma partía'l so tiempu ente la enseñanza (anque non como maestru d'escuela profesional) y la obra lliteraria.
Los sos alumnos más famosos fueron Varrón y Cicerón, y ente los sos amigos tuvieron Celio Antípatro, l'historiador, y Lucilio, el satíricu, quien-y dedicó'l so obres. Según Cicerón, quien espresa una probe opinión de los sos poderes como un orador, Estilón foi un siguidor de la escuela estoica. Namái queden unos pocos fragmentos de les sos obres. Escribió comentarios sobre los himnos de los salios (Carmen Saliare), y probablemente tamién nes Doce Tables. Analizó l'autenticidá de comedies supuestamente por Plauto, y reconoció 25 como canóniques, cuatro más de les que lu reconocía Varrón.
Ye probable que fora l'autor d'una obra glosográfica xeneral, tratando con cuestiones lliteraries, históriques y anticuarias. El tratáu retóricu Ad Herennium atribuyóse-y por dellos eruditos modernos.[ensin referencies]