Lliteratura árabe
From Wikipedia, the free encyclopedia
La lliteratura árabe (n'árabe ,الأدب العربي; Al-Ádab Al-Árabi) ye'l conxuntu de testos lliterarios escritos en llingua árabe; nun ye habitual, por tanto, incluyir les obres que tán escrites usando l'alfabetu árabe pero non l'idioma, como ye'l casu de la lliteratura persa y de la lliteratura en llingua urdú.
La pallabra árabe usada pa lliteratura ye adab, que deriva d'una pallabra que significa "convidar a daquién a comer" y qu'implica matices de cortesía, cultura y arriquecimientu personal.
La lliteratura árabe remaneció nel sieglu VI, calteniéndose de feches anteriores solo dellos fragmentos. El Corán, del sieglu VII, ye la principal fonte lliteraria de la cultura árabe y de la so lliteratura.