Llista de códigos de la FIFA
artículu de llista de Wikimedia / From Wikipedia, the free encyclopedia
Los códigos de la FIFA son un grupu de códigos de países establecós pola Federación Internacional de Fútbol Asociación, organismu mundial de dichu deporte, pa estremar y reconocer a caúna de les sos doscientes once asociaciones miembru. Cada abreviatura compónse de trés lletres y suel derivar del nome orixinal del país o de la so forma n'inglés.[1] Les seleiciones afiliaes provienen de les principales confederaciones: Confederación Asiática de Fútbol (AFC), Confederación Africana de Fútbol (CAF), Confederación de Norteamérica, Centroamérica y el Caribe de Fútbol (Concacaf), Confederación Suramericana de Fútbol (Conmebol), Confederación de Fútbol d'Oceanía (OFC) y la Unión d'Asociaciones Europees de Fútbol (UEFA).[2]
El sistema utilizáu ye conocíu n'inglés como FIFA Trigamme y en delles ocasiones difier d'otros asemeyaos, como los usaos pol Comité Olímpicu Internacional y la Organización Internacional de Normalización, anque hai qu'esclariar que nun cuenta colos mesmos miembros qu'estes dos entidaes.[1]
Per otru llau, 35 códigos quedaron en desusu. Xeneralmente esto debe a cambeos políticos nos países miembros de la FIFA. En delles ocasiones, la declaración d'independencia d'un país provoca un nuevu nome, como foi'l casu d'Alto Volta, qu'una vegada independizáu pasó a llamase Burkina Fasu, o les Indies Orientales Neerlandeses, que pasaron a llamase Indonesia. N'otres situaciones la reunificación d'un país provoca que les dos entidaes polítiques previes dexen d'esistir, como asocedió con Alemaña Democrática y Alemaña Federal, o Vietnam del Norte y Vietnam del Sur; daqué paecíu a lo qu'asocede col esmembramientu d'un estáu, casu asocedíu con Checoslovaquia o la Xunión Soviética. Otru fechu asocedíu que provoca'l desusu d'un códigu ye'l cambéu del nome d'un país, como Samoa Occidental, que camudó'l so nome en 1997 a Samoa.[3]