![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/f/fc/Sharks_Lateral_Line.svg/langast-640px-Sharks_Lateral_Line.svg.png&w=640&q=50)
Llinia llateral
From Wikipedia, the free encyclopedia
Nos pexes la llinia llateral ye un órganu sensorial emplegáu pa detectar movimientu y el tremar nel agua d'alrodiu, lo qu'aida al pexe a evitar colisiones, a orientase en rellación a les corrientes d'agua, y llocalizar la presa. Les llinies llaterales davezu visibles como llinies seles que recuerren ca llau dende les cercaníes del opérculu (cadarma que cubre les branquies) hasta la base de la cola. Delles vegaes partes d'esti muérganu son modificaes como electrorreceutores, que son muérganos que detecten impulsos llétricos. Ye posible que vertebraos como los tiburones empleguen tamién les llinies llaterales pa detectar campos magnéticos. La mayoría de les llarves y dellos adultos d'anfibios tamién poseen esti muérganu.
![Thumb image](http://upload.wikimedia.org/wikipedia/commons/thumb/f/fc/Sharks_Lateral_Line.svg/640px-Sharks_Lateral_Line.svg.png)
Los receutores que componen la llinia llateral son los neuromastos, caún compuestu d'un grupu de célules ciliaes. Los cilios tan arrodiaos per una cúpula sobresaliente, d'ente 1/20 a 1/5 mm de llargu. Les célules ciliaes y les cúpules de los neuromastos tan davezu baxo un furacu visible nos pexes. Les célules ciliaes de la llinia llateral son asemeyaes a les célules ciliaes que s'atopen nel oyíu internu, amosando que la llinia llateral y l'oyíu internu comparten un orixe común.
Los teleósteos y eslasmobranquios tienen comúnmente canales de la llinia llateral, nos que los neuromastos nun tán direutamente espuestos al ambiente, pero atópense comunicaos per poros de la canal. Puen apaecer neuromastos adicionales en dellos llugares de la superficie corporal.
El desendolcu del sistema de la llinia llateral depende del mou de vida del pexe. Por exemplu, los pexes que son nadadores activos tienden a tener más neuromastos nes canales, y la llinia tará más lloñe de les aletes pectorales, lo que probatiblemente reduz la cantidá de "ruíu" que se xenera pol movimientu de les aletes.
Dellos crustáceos y cefalópodos tienen órganos asemeyaos.