![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/5/51/Mapa_Australia.es.V3.png/640px-Mapa_Australia.es.V3.png&w=640&q=50)
Llingües d'Australia
From Wikipedia, the free encyclopedia
Anque Australia nun tien idiomes oficiales, l'inglés siempres s'atrincheró como l'idioma nacional de facto .[1] El inglés australianu ye una de les grandes variedaes del idioma con un acentu y un léxicu distintivos,[2] y difier llixeramente d'otres variedaes d'inglés en gramática y ortografía.[3] L'australianu xeneral sirve como'l dialeutu estándar.
![Thumb image](http://upload.wikimedia.org/wikipedia/commons/thumb/5/51/Mapa_Australia.es.V3.png/640px-Mapa_Australia.es.V3.png)
Según el censu de 2016, l'inglés ye l'únicu idioma que se fala nel llar pa cerca del 70% de la población. Los siguientes idiomes más comunes que se falen nel llar son:[4] mandarín (2,5%), árabe (1,4%), cantonés (1,2%), vietnamita (1,2%) ya italianu (1,2%).
Una proporción considerable de migrantes de primera y segunda xeneración son billingües.
Créese qu'esisten más de 250 llingües aboríxenes d'Australia nel momentu del primer contautu européu, de los cualos menos de 20 siguen siendo d'usu diariu pa tolos grupos d'edá.[5][6] Alredor d'otres 110 son falaes puramente por persones mayores.[6] Nel momentu del censu de 2006, 52.000 australianos indíxenes, que representaben el 12% de la población indíxena, informaron que falaben un idioma indíxena en casa.[7] Australia tien un llinguaxe de señes conocíu como Auslan, que ye l'idioma principal d'unes 5.500 persones sordes.[8]