Juan Antonio Martínez Camino (9 de xineru de 1953, Marcenao) ye un sacerdote xesuita español, nomáu obispu auxiliar de la archidiócesis de Madrid y titular de Bigastro el 17 de payares de 2007.
Juan Antonio Martínez Camino![]() | |||||||
---|---|---|---|---|---|---|---|
![]() | |||||||
17 payares 2007 - ← Alfonso Coto Monge Diócesis: Sede titular de Bigastro
17 payares 2007 - Diócesis: Archidiócesis de Madrid (es) ![]()
2003 - 2013 ← Juan José Asenjo (es) ![]() | |||||||
Vida | |||||||
Nacimientu | Marcenao, 9 de xineru de 1953[1] (71 años) | ||||||
Nacionalidá |
![]() | ||||||
Estudios | |||||||
Estudios |
Universidá de Valladolid Facultad de Filosofía y Teología Sankt Georgen (es) ![]() Facultad de Teología de la Universidad Pontificia Comillas (es) ![]() | ||||||
Llingües falaes | castellanu[2] | ||||||
Oficiu |
sacerdote católicu, obispu católicu, profesor universitariu, clérigo regular (es) ![]() | ||||||
Miembru de | Real Academia de Doctores d'España | ||||||
Creencies | |||||||
Relixón | Ilesia católica llatina | ||||||
Orde relixosa | Compañía de Xesús | ||||||
![]() |
Los sos diez años como secretariu y voceru de la Conferencia Episcopal Española, de 2003 a 2013, nos que tuvieron llugar importantes acontecimientos pa la Ilesia católica española, como la celebración en Madrid de la Xornada Mundial de la Mocedá 2011, la beatificación en Tarragona de 522 mártires de la Guerra Civil española o la presentación de la Biblia patrocinada pola mesma Conferencia Episcopal, apurriéron-y una notable proyeición pública,[3] marcada n'ocasiones tamién pol discutiniusobremanera na so rellación col gobiernu de José Luis Rodríguez Zapatero, col que s'enfrentó en temes como'l matrimoniu homosexual,[4] la nueva llei del albuertu,[5] y la enseñanza de la relixón na etapa de la educación obligatoria,[6] aspeutu nel que tamién topetó col gobiernu posterior del Partíu Popular y el so ministru d'Educación, José Ignacio Wert.[7]
Biografía
Nació'l 9 de xineru de 1953 en Marcenado (Siero, Asturies). Cursó'l bachilleratu nel Seminariu Menor Pontificiu de Comillas en Cantabria y llicencióse en Filosofía y Lletres pola Universidá de Valladolid, en 1976.[3] Ingresó nel noviciáu de la Compañía de Xesús el 16 d'ochobre de 1974 y empecipió los estudios de Teoloxía na Universidá Pontificia Comillas de Madrid, doctorándose en 1990 na Facultá de Filosofía y Teoloxía Sankt Georgen, Frankfurt, con una tesis sobre El problema de la teoloxía natural en W. Pannenberg y Y. Jüngel. El 24 de mayu de 1980 recibió la ordenación sacerdotal de manes de José Delicáu Baeza, arzobispu de Valladolid.[8][9]
Tres la so ordenación sacerdotal y hasta la primer eleición en 2003 como secretariu xeneral y voceru de la Conferencia Episcopal, foi rector del Teologado de la provincia de Lleón de la Compañía de Xesús, profesor de Teoloxía Dogmática na Universidá Pontificia Comillas y direutor del Secretariáu de la Comisión Episcopal pa la Doctrina de la Fe ente 1993 y 2001. En 2001 pasó de volao a Roma pa trabayar na facultá de Teoloxía de la Universidá Gregoriana.[10]
En xunu de 2003, siendo inda sacerdote y ensin derechu a votu, foi escoyíu secretariu xeneral y voceru de la Conferencia Episcopal Española ensin el plácet de los sos superiores na Compañía de Xesús, de la que s'atopaba en situación de «llegalmente ausente», adquirida tres una permanencia de catorce meses nel monasterio trapense de Dueñes.[11]
Obispu
Rompiendo cola esixencia ignaciana qu'obliga a los miembros de la Compañía de Xesús a arrenunciar a los cargos eclesiásticos salvu en tierra de misiones,[12] el 17 de payares de 2007 aceptó'l nomamientu d'obispu auxiliar de l'Archidiócesis de Madrid por bulda de Benitu XVI, siéndo-y asignada la sede titular de Bigastro (Cehegín), lo que-y convertía nel primer xesuita n'ocupar una sede episcopal n'España. El 19 de xineru de 2008 recibió la ordenación episcopal de manes del arzobispu de Madrid, cardenal Antonio María Rouco Varela, na Catedral de Santa María la Real de l'Almudena.[13]
Cargo
Predecesor: Juan Jose Asenjo Pelegrina |
![]() 2003 - 2013 |
Socesor: José María Gil Tamayo |
Predecesor: Alfonso Coto Monge |
![]() 2007 - actualidá |
Socesor: Nel cargu |
.
Obra
Juan Antonio Martínez Camino ye académicu de númberu de la Real Academia de Doctores d'España, seición 1ª, Teoloxía.[14] El so discursu de toma de posesión, lleíu'l 15 de febreru de 2006, tuvo por tema «Jesús de Nazaret, el Cristu na fe de la Ilesia. N'homenaxe al cardenal Alois Grillmeier».[15] Catedráticu de Teoloxía Sistemática na facultá de Teología San Dámaso de Madrid,[16] publicó obres de la so especialidá ente les que pueden mentase:[16]
- Recibir la llibertá. Dos propuestes de fundamentación de la teoloxía na modernidá: W. Pannenberg y Y. Jüngel (Madrid 1992)
- ¿Qué pasa por fabricar homes? Clonación, reproducción artificial y antropoloxía cristiana (Bilbao 2000; 3ª ed. 2002)
- Teoloxía curtia al filu de los díes (Salamanca 2002)
- Evanxelizar la cultura de la llibertá (Madrid 2002)
- El mio Rafael. El Beatu Rafael Arnáiz, según el Padre Teófilo Sandoval, el so confesor, intérprete y editor (Bilbao 2003; 2ª ed. 2009)
- Jesús de Nazaret. La verdá de la so historia (Madrid 2006; 4ª ed. 2010)
- Exercicios Espirituales col Hermanu Rafael. Testos de San Rafael Arnáiz Barón como realización viva de los "Exercicios" de San Ignacio de Loyola (Madrid 2009; 2ª ed. 2010)
- Don Lázaro. Sacerdote y mártir de Cristu n'Asturies (1872-1936) (Madrid 2011)
- Con trés papes. Teoloxía curtia al filu de los díes (Madrid 2014)
Referencies
Enllaces esternos
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.