Iris oratoria
especie d'inseutu From Wikipedia, the free encyclopedia
especie d'inseutu From Wikipedia, the free encyclopedia
La Iris oratoria o mantis mediterránea ye una especie bien estendida de mántidu orixinaria d'Europa ya introducida n'hábitats d'Oriente mediu, Asia occidental y los Estaos Xuníos d'América.
Los especímenes d'I. oratoria presenten una pigmentación pálida durante la so mocedá qu'evoluciona casi siempre escontra'l verde, algamando cerca de 6,5 cm de llargor nel so maduror. A pesar de la so común morfoloxía, estrémase fácilmente de la especie Mantis religiosa y otros mántidos por presentar llunares carauterísticos de color naranxa na parte inferior del cuartu segmentu abdominal, según dos estensos círculos de color violáceu sobre les sos ales qu'apaecen visibles cuando s'atopen esplegaes. Los sos cercos son más curtios que los de M. religiosa. Pela so parte, les femes d'I. oratoria reconócense poles proporciones de les sos ales, más curties que l'abdome.
Les estratexes reproductives y de sobrevivencia de los especímenes d'I. oratoria fueron estudiaes pa esplicar la capacidá d'esti inseutu pa estendese más allá de los sos hábitats orixinales y ocupar árees d'antiguo poblaes por otros mántidos como'l Stagmomantis carolina.
Ente estos factores destaca, per una parte, la so capacidá pa la reproducción por partenoxénesis en periodos d'escasez de población de machos. Per otra parte, ninfes adicionales d'I. oratoria pueden surdir dende la so ooteca o bolsa de güevos, nuna segunda puesta, una vegada que se produz la eclosión de los mesmos.
El canibalismu sexual característicu de los mántidos suel asoceder na cuarta parte de los alcuentros sexuales d'I. oratoria.
Wikispecies tien un artículu sobre Iris oratoria. |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.