From Wikipedia, the free encyclopedia
L'Intelsat I (moteyáu Early Bird o Páxaru madrugador) foi'l primer satélite de comunicaciones comercial, puestu nuna órbita geosíncrona sobre l'océanu Atlánticu el 6 d'abril de 1965 y activáu el 28 de xunu.[1][2][3]
Intelsat I | |||
---|---|---|---|
satélite de comunicaciones | |||
Información | |||
Fabricante | Hughes Aircraft (es) | ||
Historia | |||
Operadores |
| ||
Acontecimientos significativos | Llanzamientu espacial (6 abril 1965) (en Complejo de Lanzamiento Espacial 17 de Cabo Cañaveral (es) ) | ||
Foi construyíu pol "Space and Communications Group" de la "Hughes Aircraft Company" (más tarde conocida como "Hughes Space and Communications Company", y na actualidá "Boeing Satellite Systems") pa COMSAT (compañía estatal estauxunidense, controlante d'Intelsat). Foi'l cuartu de la serie Syncom (el primeru d'usu públicu) que Hughes construyera pa la NASA. El so cohete impulsor foi un Delta D (Delta d'impulsu aumentáu).
Programáu pa tar n'operación por 18 meses, el Early Bird tuvo en serviciu activu por casi cuatro años. Foi desactiváu en xineru de 1969, anque ente xunu y agostu d'esi añu foi reactiváu de volao pa dar soporte al Apollo 11 cuando'l Atlantic de Intelsat tuvo una falla. En 1990 y con motivu del 25º aniversariu del so llanzamientu foi activáu de volao, pero na actualidá ta inactivu anque sigue n'órbita.
El Early Bird foi'l primer satélite que dexó un contautu direutu y casi instantáneu ente Europa y América del Norte, remanando tresmisiones de televisión (una canal), teléfonu (240 canales), fax y telégrafu. Yera bastante pequeñu, con forma de tambor, midía 76 × 61 cm y pesaba 34,5 kg.
Nel lobby principal de les oficines centrales de Intelsat, en Washington DC, puede reparase un modelu en tamañu natural del mesmu.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.