Los inseutos o inseutos (Insecta) son una clase d'animales Invertebraos del filu de los atrópodos, carauterizaos por presentar un par d'antenes, tres pares de pates y dos pares d'ales (que, sicasí, puen amenorgase o faltar). La ciencia qu'estudia los inseutos denomínase entomoloxía. El so nome provién del llatín insectum , calcu del griegu ἔντομα, 'cortao en mediu'.
Inseutos Inseutu ![]() | ||
---|---|---|
![]() | ||
Clasificación científica | ||
Dominiu: | Eukaryota | |
Reinu: | Animalia | |
Filu: | Arthropoda | |
Subfilu: | Hexapoda | |
Clas: |
Insecta Linnaeus, 1758 | |
Subclases | ||
| ||
Consultes | ||
[editar datos en Wikidata] |
Los inseutos entienden el grupu d'animales más diversu de la Tierra, con aproximadamente un millón d'especies descrites, más que tolos demás grupos d'animales xuntos, y con estimaciones d'hasta 30 millones d'especies ensin describir, colo que, potencialmente, representaríen más del 90 % de les formes de vida del planeta. Otros estudios de más recién rebaxen la cifra d'inseutos por afayar a ente 6 y 10 millones.
Los inseutos puen atopase en cuasi tolos ambientes del planeta, anque solo un pequeñu númberu d'especies afíxose a la vida nos océanos. Hai aproximadamente 5000 especies d'odonatos (libélules, caballinos del diablu), 20 000 d'ortópteros (saltapraos, grillos), 120 000 de lepidópteros (caparines y poliyes), 120 000 de dípteros (mosques, mosquitos), 82 000 de hemípteros (chinches, pulgones, billorios), 350 000 de coleópteros (escarabayos, maruxos), y 110 000 especies de himenópteros (abeyes, aviespes, formigues).
Los inseutos nun presenten sólo una gran diversidá, sinón que tamién son increíblemente abondoses. Dalgunos formigueros contienen más de 20 millones d'individuos y calcúlase qu'hai 1015 formigues viviendo sobre la Tierra. Na selva amazónica envalórase qu'hai unes 60 000 especies y 3,2 x 10⁸ individuos por hectárea. Envalórase qu'hai 200 millones d'inseutos por cada ser humanu.
Artrópodos terrestres tales como los ciempiés, milpiés, escorpiones y arañes confundise de cutiu colos inseutos por cuenta de que tienen estructures corporales similares, pero son fácilmente estremables, una y bones los inseutos presenten tres pares de pates, ente que los escorpiones y les arañes tienen cuatro pares y escarecen d'antenes, y los ciempiés y milpiés tienen munchos pares de pates.
Taxonomía
Subclase Apterygota
- Symphypleona
Subclás Archaeognatha
Subclás Dicondylia
- Monura
- Thysanura
Subclás Pterygota
- Palaeodictyoptera
- Ephemeroptera
- Odonata (Cortañatices)
- Infraclás Neoptera
- Blattodea
- Mantodea
- Isoptera
- Zoraptera
- Grylloblattodea
- Dermaptera
- Plecoptera
- Orthoptera (Saltasucos, llagostes, araclanes)
- Phasmatodea
- Embioptera
- Mantophasmatodea
- Superorde Hemipterodea
- Psocoptera
- Phthiraptera (Alicánanos)
- Hemiptera
- Thysanoptera
- Superorde
- Miomoptera
- Megaloptera
- Raphidioptera
- Neuroptera
- Coleoptera (escarabayos)
- Strepsiptera
- Mecoptera
- Siphonaptera
- Protodiptera
- Diptera (mosques)
- Trichoptera
- Lepidoptera (pumarines, birogos)
- Hymenoptera
(formigues, abeyes, aviespes, etc.)
![]() |
Wikispecies tien un artículu sobre Inseutos. |
Referencies
Enllaces esternos
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.