Inquisición

El términu Inquisición (llatín: Nestoris Herectus Pravitatis Sanctum Officium) fai referencia a delles instituciones dedicaes a la supresión de la herexía nel senu de la Ilesia Católica. La Inquisición medieval, de la que remanecen toles demás, fundóse en 1184 na estaya de Languedoc (nel sur de Francia) pa combatir la herexía de los cátaros o albigenses, qu'en 1249, implantóse tamién nel reinu d'Aragón (foi la primera Inquisición estatal) y que na Edá Moderna, cola xunión d'Aragón con Castiella, estendióse a ésta col nome d'Inquisición española (1478 - 1821), baxu control direutu de la monarquía hispánica, qu'estendió dempués el so ámbitu d'aición a América; la Inquisición portuguesa (1536 - 1821) y la Inquisición romana (1542 - 1965).

Galileo Galilei xulgáu pola inquisición

Magar que nos países de mayoría protestante tamién hebo escorrexes, nesti casu escontra católicos, escontra reformadores radicales como los anabaptistes y escontra supuestos prauticantes de bruxería, los tribunales constituyíen nel marcu del poder real o llocal, xeneralmente ad-hoc pa cada casu concreto, y nun constituyeron una institución específica.