Infracción de derechos d'autor
From Wikipedia, the free encyclopedia
Una infraición de derechos d'autor, infraición de copyright o violación de copyright ye un usu ensin autorizar o prohibíu d'obres cubiertes poles lleis de derechos d'autor, como'l derechu de copia, de reproducción o'l de faer obres derivaes.
Tamién ye habitual l'usu del términu piratería, de cutiu de forma peyorativa, pa referise a les copies d'obres ensin el consentimientu del titular de los derechos d'autor. L'informáticu Richard Stallman y l'espertu en propiedá intelectual, Eduardo Samán, ente otros,[1][2][3] argumenten que l'usu de la espresión "piratería" pa referir a les copies ensin autorizar ye una desaxeración que pretende oldear l'actu de compartir cola violencia de los pirates de barcos, criminalizando a los usuarios. La Free Software Foundation inclúi esta acepción del términu na so nómina d'espresiones a evitar en materia de derechos d'autor.[4]
Los algames de la proteición de les obres a nivel internacional tán rexíos pol Conveniu de Berna, qu'establez un plazu mínimu de 50 años a partir de la muerte del autor. La forma en que tien de tratar la llexislación estes infraiciones ye una tema que xenera discutiniu en munchos países del mundu.