Holografía
From Wikipedia, the free encyclopedia
La holografía o vision grafica ye una téunica avanzada de fotografía que consiste en crear imáxenes tridimensionales basada nel emplegu de la lluz. Pa esto utiliza un rayu láser que graba microscópicamente una película fotosensible. La interferencia que se produz ente dos faes de lluz coherente fai posible que la lluz d'unu d'estos se reflecte nel oxetu. Esta, al recibir una lluz puntual dende la perspeutiva fayadiza, proyeuta una imaxe en tres dimensiones. Amás, procesaes y allumaes de manera precisa, les imáxenes pueden apaecer saliéndose de les sos llendes, pa escontra fora o escontra dientro del marcu, y l'observador, ensin tener la necesidá de nengún accesoriu, puede ver ensin discontinuidaes y variando les perspectives dependiendo de la so posición. L'usu de les téuniques holográfiques en sistemes de videu ye un procesu complexu que supón un gran retu a nivel teunolóxicu. Si pueden resolvese estos retos, podría convertise nel sistema que s'utilizaría nuna futura televisión tridimensional.[1]