La Guerra Civil Rusa foi un conflictu armáu múltiple que tuvo llugar ente 1917 y 1923 nel territoriu del disueltu Imperiu rusu, ente'l nuevu gobiernu bolxevique y el so Exércitu Bermeyu, nel poder dende la Revolución d'ochobre de 1917, y de la otra banda, los militares del ex-exércitu zarista y opositores al bolxevismu, arrexuntaos nel denomináu Movimientu Blancu, d'ideoloxía zarista y ortodoxa.
Dambos bandos tuvieron aliaos temporales, l'Exércitu Bermeyu, davezu con izquierdistes y grupos revolucionarios, y les fuercies del Exércitu Blancu con munchos exércitos estranxeros (Estaos Xuníos, Xapón, Francia, Imperiu Británicu). El sofitu de potencies occidentales na guerra denomóse Intervención Aliada en Rusia.
Otros nacionalistes y grupos políticos rexonales tamién participaron na guerra, incluyíos los nacionalistes ucraínos del Exércitu Verde, los anarquistes ucraínos del Exércitu Negru y les Guardies Prietes, y señores de la guerra como Roman Ungern von Sternberg.
Los enfrentamientos más intensos tuvieron llugar dende 1918 hasta 1920. Les grandes operaciones militares, finaron el 25 d'ochobre de 1922, cuando l'Exércitu Bermeyu ocupó Vladivostok, ocupáu enantes pol Gobiernu Priamur provisional. L'últimu enclave de les Fuercies Blanques foi'l distritu Ayano-Maysky, na mariña del Pacíficu, onde'l xeneral Anatoly Pepelyayev nun capituló hasta'l 17 de xunu de 1923.
Ver tamién
- Exércitu Bermeyu
- León Trotsky
- Vladimir Lenin
- Exércitu Prietu
Referencies
Enllaces esternos
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
