From Wikipedia, the free encyclopedia
En botánica un guañu[1] ye un muérganu complexu de los vexetales que se forma davezu na axila de les fueyes ensamáu por un meristemu apical, (célules con capacidá de división), a mou de botón escamosu (catáfilos) que llueu darán llugar a fueyes (foliíferes) y flores (floríferes).
Los guaños úsense pa facer los inxertos o garcios (inxertu/garciu de xema), sobro too en frutales y les sos variedaes.
Llingüísticamente, el diccionariu de l'ALLA diz que'l sustantivu "guañu" tien les siguientes acepciones y usos:
|| En guañu, a puntu de nacer, de surdir. || Salir del guañu, espoxigar, crecer [una persona]. Tovía nun salió del guañu y yá quier cortexar.
El guañu de munches plantes lleñoses, especialmente nos climes tépedos y fríos, salen protexíos por una cobertura de fueya modificao chamada escama que protexe'l delicáu tecíu interior. En dalgunes plantes, l'escama ta cubierta por una substancia mucilaxinoso qu'aumenta la proteición. De la que cada guañu se desendolca, les escames pueden medrar un poco, mas xeralmente caen, dexando na superficie del ramu una serie de marques horizontales. Por aciu d'estes marques ye posible determinar la edá del ramu, yá qu'en cada añu'l so crecimientu remata cola formación d'un guañu, que va producir un nuevo conxuntu marques. Col pasar del tiempu y el desenvolver de la so casca, estes marques tienden afitase en forma obleru, polo que depués de dalgunos años, yá nun ye posible determinar la edá de los ramos por esti métodu.
Dacuandu, pue distinguise nun guañu una serie bien marcada de tipos d'escama: nel Aesculus, por exemplu, fórmanse pequeñes escames pardes per fuera, cubriendo otres mayores que, cuando'l brote abre tornen verde, hasta la fueya interno, de color y forma típico. Estes series suxeren que la escama del guañu seya fueya verdadero, modificao pa protexer los delicaos tecios meristemáticos durante periodos desfavoratibled.
En munches plantes, nun se forma escama nos guaños, que son entós llamaos guaños espidos.[2] Nestos guaños, les minúscules fueyes en desendolcu son munches veces tomentoses (con llongos ciclios), como en delles especies de Rhus y de Viburnum. En munches plantes yerbácees, el guañu ye entá más reducío, munches vegaes consiste cásique nuna masa de célules indiferenciaes nes axiles de les fueyes. Un repollu, sicasí, (ver Brassica ) ye un guañu terminal escepcionalmente grande, y les coles de Bruxeles son sólo guaños llaterales.
Una vez que dellos guaños se formen nes axiles de les fueyes, la so distribución nel tallu ye la mesma que de les fueyes: pueden ser alternos, opuestos o verticilados. En delles plantes pueden formase guaños en puntos atípicos y son llamaos guaños alventicios buds.[3]
El guañu ye muérganu útiles na identificación de les plantes, especialmente nes lleñoses que nel iviernu perden la fueya.[4] Pa ello, los estremaos tipos de guañu son clasificaos y descritos n'acorde a diferentes criterios: llocalización na planta, status, morfoloxía y función:
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.